ԵՐԵՎԱՆ, 4 օգոստոսի — Sputnik. Արտադրող–մթերող հարաբերություններում կառավարությունը փորձում է երկխոսություն ձևավորել, բայց արդյունքները դեռ գոհացնող չեն, Sputnik Արմենիային ասել է ՀՀ գյուղատնտեսության նախարար Իգնատի Առաքելյանը։
«Մթերողը միշտ չէ, որ ընդառաջ է գնում։ Կան մթերողներ, որոնք գնում են, պայմանագրեր են կնքում, պայքարում են իրենց ապրանքի որակի համար, բայց կան մթերողներ էլ, որոնք իրենց բիզնեսը կազմակերպում են իրավիճակից ելնելով. կարիք կա՝ կգնի, կարիք չկա՝ չի գնի»,– ասել է նախարարը։
Համագործակցության լավագույն մոդելը, ըստ նախարարի, այն կլինի, որ արտադրողն ու մթերողը նախապես պայմանագիր կնքեն և նախապես պայմանավորվեն մթերման գնի շուրջ։ Բայց որքան էլ կառավարությունը փորձի նման մեխանիզմ պարտադրել, իրավական դաշտում այն պարտադրվել չի կարող, իսկ մթերողների ներկա մակարդակը թույլ չի տալիս այս մոդելի կամավոր կիրառումը, խոստովանում է Իգնատի Առաքելյանը։
href="https://armeniasputnik.am/…/armenia-gyux-naxarar-video-sput…">
