ԵՐԵՎԱՆ, 3 օգոստոսի — Sputnik. Սվերդլովի տարածաշրջանի Ելան քաղաքի զորամասերից մեկում տեղի է ունեցել մասսայական ծեծկռտուք, հայտնում է Ura.ru-ն՝ վկայակոչելով սեփական աղբյուրները:
Միջադեպը տեղի է ունեցել Տուվայից 60 հոգանոց պայմանագրային զինվորականների խմբի և տեղական կայազորի հարյուրավոր զինվորների միջև:
Ինչպես նշում է աղբուրը, երեք ամիս առաջ Տուվայից մոտ 60 պայմանագրային զինվոր էին ուղարկել գոյատևման դասընթացներ անցնելու նպատակով: Մեկնելուց առաջ նրանք գնել են ալկոհոլային խմիչք, որպեսզի նշեն դասերի ավարտը: Հետո հիշել են ինչ-ինչ դժգոհությունների մասին, որոնք պատճառել են տեղացիները: Զինվելով դանակներով՝ նրանք հարձակվել են զորանոցի վրա: 60 տուվացի կռվել է Ելանսկի կայազորի հարյուրավոր զինվորների դեմ:
Տարածված լուրերի համաձայն՝ կտրող-ծակող վերքեր ստացել է 14 մարդ. 13 պայմանագրային զինվոր և մեկ սպա, որին արդեն տեղափոխել են Եկատերինբուրգի հոսպիտալ: Բոլոր տուժածները Ելանսկի կայազորու զինվորներն են:
«Հանգամանքները պարզելու համար Ելանսկի ուսումնական կենտրոն է ժամանել բարձրաստիճան սպաների մեծ խումբ՝ կենտրոնական ռազմական շրջանի գեներալ-լեյտենանտ Հասան Կալոևի գլխավորությամբ»,- նշում է աղբուրը:
Նշվում է, որ օգոստոսի 3-ին աշխատանքային այցով Սվերդլովի տարածաշրջան է ժամանել Ռուսաստանի պաշտպանության նախարար Սերգեյ Շոյգուն։ Կայցելի նա Ելան՝ դեր պարզ չէ:
