Հայաստանի ու ԱՄՆ-ի միջև կրկնակի հարկման հարցերը կարգավորող փաստաթուղթը դեռևս ԽՍՀՄ օրոք՝ 1973թ. կնքված համաձայնագիրն է: Ի՞նչ խոչընդոտներ է ստեղծում այդ համաձայնագիրը հայ-ամերիկյան առևտրատնտեսական հարաբերությունների համար:
Ներկայում Հայաստանն ունի կրկնակի հարկման 46 գործող համաձայնագրեր, որոնց հիմնական նպատակն է բացառել եկամուտների և գույքի կրկնակի հարկումը և այդպիսով նվազեցնել եկամտային և գույքային հարկերի հետ կապված խոչընդոտների բացասական ազդեցությունը միջազգային առևտրի և ներդրումների վրա, ինչպես նաև ստեղծել կանխատեսելի և կայուն հարկային դաշտ: Վերջերս նման համաձայնագիր Հայաստանը կնքեց նաև Իսրայելի հետ:
«Ենթատեքստ» հաղորդաշարն անդրադառնում է հայ-ամերիկյան ապրանքաշրջանառության ընդլայնմանը նպաստող գործիքի՝ երկու երկրների միջև կրկնակի հարկումը բացառելու համաձայնագրի կարեւորությանը, գրեթե 20 տարի պարբերաբար բարձրաձայնվող, սակայն դեռևս միս ու արյուն չստացած փաստաթղթի ստորագրման հնարավորությանը, որն առաջացել է վերջին շրջանում լոբբիստական կառույցների ակտիվ աշխատանքի արդյունքում:
«Ենթատեքստ» հաղորդումը կարող եք ունկնդրել նաև Sputnik Արմենիա ռադիոկայանի եթերում (FM 106.0):
Հաղորդաշարի հեղինակը Լուսինե Մկրտչյանն է։
