ԵՐԵՎԱՆ, 2 օգոստոսի — Sputnik. Դատարանում «Սասնա ծռեր» խմբի անդամների փաստաբանների նկատմամբ դատական կարգադրիչների վերաբերմունքը, մասնավորապես` խուզարկությունն ու դատարանի դահլիճ մուտքն արգելելը Արա Խանդոյանի փաստաբան Արայիկ Պապիկյանը համարում է քաղաքական հետապնդում։
Նման կարծիք այսօր Պապիկյանը հայտնեց Sputnik Արմենիայի հետ զրույցում, այն բանից հետո, երբ իր պայուսակը խուզարկելուց և դրանում ոչ մի արգելված իր չգտնելուց հետո դատական կարգադրիչները նրան թույլ տվեցին ներկա լինել դատական նիստին։
Ի դեպ, Արայիկ Պապիկյանը համաձայնեց խուզարկությանը պայմանով, որ դրա ընթացքում կազմվի արձանագրություն և այն տրամադրվի իրեն։
Պապիկյանը չբացառեց, որ իրեն հանձնված արձանագրությունը դատական հայցի հիմք կհանդիսանա։
