ԵՐԵՎԱՆ, 2 օգոստոսի — Sputnik. «Սասնա ծռերի» հերթական դատավարությանն այսօր բացակայում են ամբաստանյալներից Պավլիկ Մանուկյանը, Արայիկ Խանդոյանը, Կարո Եղնուկյանը, ովքեր նախորդ դատական նիստերի ընթացքում մի քանի ժամով հեռացվել են դատարանից։
Ու թեև, վերջին դատական նիստից մի քանի ժամ է անցել, բայց, դատավոր Արտուշ Գաբրիելյանը պարզաբանեց, որ սանկցիայի ժամանակը դեռ չի լրացել` հաշվի առնելով դատավարության հաշվարկված ժամանակը։
Ինչ վերաբերում է փաստաբաններին, նրանցից ոմանք այսօր ևս բացակա են նիստից՝ արձակուրդի կամ զբաղվածության պատճառով։
Այլ պաշտպան ընդգրկելու դատավորի առաջարկից ամբաստանյալները հրաժարվեցին՝ ասելով, որ այլ պաշտպանի կարիք չունեն և կարող են անհրաժեշտության դեպքում ինքնուրույն պաշտպանել իրենց շահերը։
