ԵՐԵՎԱՆ, 1 օգոստոսի – Sputnik, Անի Լիպարիտյան. Հայտնի էստադային երգչուհի, Ազգային Ժողովի պատգամավոր Շուշան Պետրոսյանը` Արաքս Մանսուրյանի դուստրը, Sputnik Արմենիայի հետ զրույցում պատմել է նրա ու, ընդհանրապես, օպերային արվեստի վրա մոր ազդեցության մասին ։
«Ես միշտ նայել եմ նրան որպես երգչուհու, ոչ թե մոր։ Ինձ համար մեծ պատիվ է, ու ես հպարտ եմ, որ մայրս իսկական վարպետ է, ողջ կյանքի ընթացքում նա իր պատասխանատու առաքելությունն է կատարել` ներկայացնել հայկական արվեստը ըստ արժանվույն։ Ընդ որում` նա պահպանել է անարատ հայկական երաժշտությունը Կոմիտասի ժառանագությունը և միջնադարյան հեղինակներին»,– ասաց երգչուհին։
Նա հավելեց, որ մայրը շարունակում մասայականացնել հայակական երաժշտական ավանդույթներն արդեն Ասվստրալիայում, ուր նա անպրում ու աշխատում է։
«Այսինքն, նա այսօր օպերայում չի երգում, բայց դասավանդում է, այդպիսով` ծանոթացնելով տարբեր ազգերի ներկայացուցիչներին հայկական վոլակալային արվեստին։ Չգիտեմ` ինչպես է դա ստացվել, որ ընտրել է օրերան, թեև շատ եմ սիրում օպերային արվեստը։ Միշտ տարբեր երաժշտությունե եմ սիրել. Բացի Կոմիտասից, մեր տանը հնչել է նաև ջազ, սոուլ, ռոք, ժողովրդական երաժշտություն։ Բայց այնպես սատցվեց, որ էստրադային երաժշտություն ընտրեցի։ Բայց գիտեի` ինչ էլ որ ընտրեի, աշխատելու եմ սիրով ու նվիրումով։ Իմ երգացանկում ժամանակակից փոփ–երաժշտություն է, դասական ու ժողովրդական երգեր։ Այսինքն, հիմք է վերցվում լավ որակյալ երաժշտությունը»,– հավելեց Պետրոսյանը։
Մեծ նվիրում հայ երաժշտական արվեստին. դա է գենետիկորեն փոխանցել Արաքս Մանուկյանը դստերը, կարծում է երգչուհին։ Նա հպարտանում է, որ ունկնդիրը երբեք նրա երգերում չի լսի թուրքական կամ արաբական ելևէջներ։
Պետրոսյանի համար բարդ է մորից հեռու ապրել։ Նա պատմեց, որ հաճախ է առաջարկություններ ստացել տեղափոխվել Ֆրանսիա, Ավստրալիա ու ԱՄՆ, բայց երգչուհին երբեք չի մտածել տեղափոխվելու մասին։
Պետրոսյանը խոստովանեց, որ նա չի կարող պատկերացնել իրեն այլ երկրում։ Նույնիսկ արտասահմանում հանգստի ժամանակ հայրենիքի մասին միտքը չի լքում նրան։
Արաքս Մանսուրյանը ծնվել է 1946 թվականին Բեյրութում՝ Աննա Փամբուկյանի և Եղիա Մանսուրյանի ընտանիքում։ Երկուսն էլ որբ էին, անցել էին Հայոց ցեղասպանության սարսափի միջով։ Նրանք որոշեցին Հայաստան տեղափոխվել, երբ ապագա օպերային երգչուհին մեկ տարեկան էր։
Սոպրանո Արաքս Մանսուրյանն ավարտել է Երևանի Կոմիտասի անվան պետական կոնսերվատորիան 1977 թվականին և միանգամից դարձել Ա. Սպենդիարյանի անվան օպերայի և բալետի ազգային ակադեմիական թատրոնի օպերային երգչուհի։
90–ականների սկզբին սոպրանոն տեղափոխվել է Ավստրալիա` ապրելու ու աշխատելու` 1992 թվականից դառնալով Սիդնեյի օպերայի թատրոնի սոլո երգչուհի։ Երկար տարիներ է՝ նա ապրում ու դասավանդում է Ավստրալիայում, սակայն հայրենիքի մասին չի մոռանում։
Հայոց ցեղասպանության 100–րդ տարելիցին` 2015 թվականին, սոպրանո Արաքս ՄԱնսուրյանը երեք ալբոմ է ներկայացնում, որից մեկը նվիրված է 1915 թվականին Օսմանյան կայսրությունում իրագործած ոճիրի զոհերի հիշկատին։
Մանսուրյանը համերգներով ելույթ է ունեցել Հայաստանում ու արտասահմանում` ներկայացնելով հայկական երաժշտությունն ու Կոմիտասին արևմտյան ունկնդիրենրին։ Բացի այդ, Արաքս Մանսուրյանը երկար տարիներ դասավանդում է Սիդնեյի կոնսերվատորիայում` արտասահմանցի ուսանողներին ծանոթացնելով իսկական հայկական երաժշտությանը։ Նրա շնորհիվ բազմաթիվ օտարազգի երգիչներ իրենց երգացանկում ներառել են Կոմիտասի, Բարսեղ Կանաչյանի, Ռոմանոս Մելիքյանի, Ալեքսանդր Սպենդիարյանի ստեղծագործությունները։
2015 թվականին Հանրապետության օրը Արաքս Մանսությանը պարգևատրվել է «Հայրենիքին մատուցած ծառայությունների համար» 1-ին աստիճանի մեդալով։
