ԵՐԵՎԱՆ, 30 հուլիսի — Sputnik. Կարկուտից վնասված ինքնաթիռի վայրէջքը Ստամբուլի օդանավակայանում առանձնահատուկ դեպք է։ Այս մասին Sputnik Արմենիայի հետ հարցազրույցում պատմեց քաղաքացիական ավիացիայի վետերան, Ռուսաստանի վաստակավոր օդաչու Վլադիմիր Տոլյուպան, որը երկար տարիներ օդաչու է աշխատել Երևանում ։
Հուլիսի 27-ին Ալեքսանդր Ակոպովը մարդատար ինքնաթիռի վթարային վայրէջք է կատարել Ստամբուլի Աթաթուրքի անվան միջազգային օդանավակայանում։ Օդաչուն չափազանց բարդ եղանակային պայմաններում փրկել է 121 ուղևորի ու անձնակազմի 6 անդամների կյանքը, անթերի կատարել է ուղևորատար ինքնաթիռի վթարային վայրէջքը»։
Օդաչուի խոսքով՝ լուսանկարներում ու տեսանյութերում հստակ երևում է, որ վնասված են մեքենայի դիմացի ապակին ու լոկատորը։ Դա նշանակում է, որ օդանավի հրամանատարը վայրէջքին հետևել է կողքի օդանքցքից։
«Փոքր բարձրության վրա նա ստիպված էր հակահերմետիզացիայի ենթարկել խցիկն ու օդանավը, վայրէջքի գոտի տանել անսովոր պայմաններում։ Բայց փորձառու օդաչուները գիտեն՝ ինչ է պետք անել նման պայմաններում», — ասաց Տոլյուպան։
Վետերանը նշում է, որ անձնակազմը շատ բարդ իրավիճակում է հայտնվել։ Օդանավը վատնգավոր գոտում է եղել։
«Երբ երթուղու վրա այդպիսի վտանգ է հայտնվում, հարկավոր է շրջանցել այն։ Բայց ամեն դեպքն իր առանձնահատկություններն ունի։ Գուցե, անձնակազմը մենևրելու հնարավորություն չի ունեցել և սպիտված է եղել ամպամածության մեջ մտնել։ Դա արդեն հրամանատարի որոշումն է։ Նա այնպիսի որոշում է կայացրել, որի արդյունավետության մեջ մենք համոզվեցինք գործնականում», — ասում է Տոլյուպան։
Նրա խոսքով՝ երևանյան ավիաջոկատում նրա ամառային պրակտիկայի ժամանակ նման դեպք պատահել է Հայաստանում, 80-ականներին։
ՏՈՒ-134-ի հայկական անձնակազմն ամպրոպային ֆոնի մեջ է ընկել, որի հետևանքով կարկուտը մեծ վնաս է հասցրել թևին։
Ուժեղ մրրկայնություն էր, որոշ ուղևորներ աննշան վասվածքներ էին ստացել, սակայն արդյունքում օդաչուներին հաջողվել է վայրէջք կատարել ու փրկել մարդկանց կյանքերը։
Նախագահ Պյոտր Պորոշենկոն պարգևատրել է օդաչու Ալեքսանդր Ակոպովին «Խիզախության համար» շքանշանով։
Ավելի ուշ նախագահի մամուլի ծառայութոյւնը հայտվել է, որ Պորոշենկոն զանգել է Ակոպովին ու անձամբ շնորհակալություն հայտնել՝ խիզախ արարքի համար։
