ԵՐԵՎԱՆ, 28 հուլիսի — Sputnik. Հայաստանի քաղաքացուն Բելառուսից Ուկրաինա են արտաքսել. նա փորձել է անօրինական ճանապարհով հատել սահմանը, Sputnik Բելառուսին հայտնել է հանրապետության պետական սահմանապահ կոմիտեն։
Միջադեպը տեղի է ունեցել ավելի քան մեկ շաբաթ առաջ. 48-ամյա տղամարդը փորձել է ճահիճներով անցնել Բելառուսի տարածք։
Ինչպես Sputnik–ին հայտնել են հանրապետության պետական սահմանապահ կոմիտեից, ՀՀ քաղաքացուն արգելվել է մուտք գործել Ռուսաստանի տարածք դեռևս 2013 թվականին, իսկ Բելառուսն ու ՌԴ–ն «մուտքն արգելվածների» միասնական ցուցակ ունեն։ Այդ փորձից հետո նրան արտաքսել են Ուկրաինա` հուլիսի 22-ին։
Ռուսաստանում լինել տղամարդուն արգելել են երկրի տարածքում գտնվելու կանոնները խախտելու համար։
Բացի արտաքսումից, բելառուսական սահմանը խախտելու համար սահմանախախտը կարող է տուգանվել։
