ԵՐԵՎԱՆ, 28 հուլիսի – Sputnik. Հայաստանի շատ բուհերում այս տարի բազմաթիվ թափուր տեղեր են մնացել, ինչը կապված է Հայաստանում 12–ամյա կրթության անցնելու հետ։ Այդ պատճառով, դիմորդները, որոնք ՄՊՀ–ի հիմնական ընդունելության քննություններից բարձր միավորներ են հավաքել, ավտոմատ կերպով ընդունվում են երևանյան մասնաճյուղ` առանց լրացուցիչ քննություններ հանձնելու։
ՄՊՀ–ի երևանյան մասնաճյուղի տնօրեն Ալեքսեյ Ռեյմերսը Sputnik Արմենիայի հետ հարցազրույցում նշեց, որ օրինակ այս տարի ավելի քան 1500 մարդ հայտ է ներկայացրել Մոսկվայի պետական համալսարանի լրագրության ֆակլուլտետ, այդ պատճառով մրցույթն այս մասնագիտության համար մեծ էր։
«Հասկանալի է, որ նրանց շարքերում լավ երեխաներ կան, որոնք դուրս են մնում մրցույթից։ Նրանց որոշը մասն օգոստոսի 29–30–ին քննություններ է հանձնելու, որպեսզի երևանյան մասնաճյուղ ընդունվի։ Խոսքը մաթեմատիկոսների, լեզվաբանների, իրավաբանների, տնտեսագետների մասին է։ Մենք կարող ենք ընդունել 150–200 մարդ», – նշեց Ռեյմերսը։
Պատասխանելով հարցին` ինչպես է լուծվելու ուսանողների ապրելու տեղի հարցը, ՄՊՀ–ի երևանյան մասնաճյուղի տնօրենը նշեց, որ այդ առումով որոշ խնդիրներ կան։
«Մասնաճյուղը դեռ հանրակացարան չունի, դրա համար ուսանողները ստիպված կլինեն համալսարանին մոտ ապրելու տեղ գտնեն և վճարեն տան համար։ Այդ պատճառով, առաջին հեթին, դիմում ենք այն մարդկանց, ովքեր ունեն հայկական ծագում ու բարեկամներ Հայաստանում», – ասաց նա։
Սակայն բուհի դռները բաց են ցանկացած երկրի քաղաքացիների համար։ Բացի այդ, այս նախաձեռնությամբ հանդես է եկել հենց երևանյան մասնաճյուղը։
Ռեյմերսը հավելեց նաև, որ ռուս դասախոսները, որոնք պարբերաբար Երևան են գալիս` սեմինարներ ու դասախոսություններ անցկացնելու համար, կկարողանան դասավանդել մեծ թվով ուսանողների։
ՄՊՀ–ի երևանյան մասնաճյուղը բացվել է 2015 թվականին։ Բուհում գործում են լրագրության, իրավագիտության, տնտեսագիտության, լեզվաբանության, կիրառական մաթեմատիկայի ու միջազգային հարաբերությունների ֆակուլտետներ։