Ռուս հեռուստալրագրող, պրոդյուսեր և Մոսկվայի պետական համալսարանի դասախոս Ռոման Լոբաշովը Sputnik Արմենիային տված հարցազրույցում պատմեց ռուսական եթերի մեր հայրենակիցների մասին, ովքեր շուտով կարող է աստղ դառնան: Զրուցել է Դմիտրի Պիսարենկոն:
- Լրագրողի մասնագիտությունը պահանջված է և հարգի: Որքանո՞վ է այն հիմա ընդունված Ռուսաստանում մեր հայրենակիցների շարքում:
— Կարող եմ միանշանակ ասել, որ հայ հայտնիները տեղ ունեն ապագայի լրագրությունում: ՄՊՀ-ի լրագրության ֆակուլտետի այն խմբերում, որտեղ ես եմ դասավանդում, շատ տաղանդավոր ուսանողներ կան: Մասնավորապես, Նատալյա Մեհրաբյանը, որը սովորում է չորրորդ կուրսում, MTV(Ռուսաստան) ալիքի նորահայտ աստղ է: Նրա ուսուցիչը Յանա Չուրիկովան է, որը ներկայացման կարիք չունի:
Կարող եմ նշել են նաև Ալիսա Ոսկանյանի և Սաթի Հայրապետյանի անունները: Նրանք հաստատուն քայլեր են անում լրագրությունում և ընդգծված տարբերվում են ընդհանուր ֆոնին:
- Հնարավո՞ր է, որ նրանք ինչ-որ առանձնահատկություն ունեն:
— Ես կնշեի ազգային կոլորիտով բնական խարիզման: Նրանք բոլորը հիանալի են աշխատում կադրում: Բոլորը հիանալի հմայք ունեն: Նրանց հաջողվում է գրավել հեռուստատեսային լսարանը: Ես նկատել եմ, որ նրանք ունեն այն, ինչ չունեն ժամանակակից շատ հաղորդավորներ, որոնք եթերում հայտնվում են շպարված տիկնիկների կերպարով: Աղջիկներն ունեն իրենց դեմքը և «կենդանի խելքը»: Այդ ձևակերպումն առկա է BBC-ի հայեցակարգում: Նրանք կարողանում են մտածել կադրում: Նրանց մեծ ապագա է սպասվում:
- Լրագրության ֆակուլտետի հայտնի շրջանավարտների շարքում շա՞տ կան «յան»-ով ազգանուններ:
— Եթե հիշել այս ինդուստրիայում աշխատող լրագրողներին, ապա հայազգի ներկայացուցիչները շատ են արդի ուղղություններում: Օրինակ՝ մուլտիմեդիոն հարթակները: Այնտեղ շատ նորարարներ կան:
Ես կնշեի, որ հայկական էթնոսում գենետիկ հակվածություն կա այս մասնագիտության հանդեպ: Կա տեղեկատվություն հավաքելու, այդ տեղեկատվությամբ կիսվելու և լսարանին մատուցելու ցանկություն: Դա ընդհանուր մտածողություն է: Ես կավելացնեի նաև մարդկային որակները: Իմ կոլեկտիվի ներսում երբեք չեն ծագում տարաձայնություններ, որովհետև նրանցում առկա է ինչ-որ յուրահատուկ իմաստություն:
-Ո՞ր հեռուստաալիքներում կարելի է տեսնել մեր ապագա աստղերին:
— Դրանք բավական շատ են՝ MTV (Ռուսաստան), Առաջին ալիք, Ռեն-TV, Ռոսիա 24, «Պյատնիցա» ալիքը, որը ֆակուլտետում իր ստուդիան է բացել փորձերի և քասթինգի համար: Մենք սպասում ենք, որ Ալիսա Ոսկանյանն այնտեղ շուտով կդրսևորի իրեն կադրում կամ կադրից դուրս: Մենք սովորեցնում ենք, որ կադրում աշխատանքն ամենագլխավորը չէ: Երբեմն գլխավորն ուղեղի աշխատանքն է, որը կադրից դուրս է:
- Հայ դասախոսներ ունե՞ք:
— ՄՊՀ լրագրության ֆակուլտետում հայերը քիչ չեն: Նրանք արբեր ոլորտներում են, դասավանդում են տարբեր առարկաներ, ինչը վկայում նրան ինտելեկտուալ որակների մասին: Նրանք հարգված մարդիկ և մասնագետներ են:
Վերջերս ՄՊՀ երևանյան մասնաճյուղում դասախոսություններ է կարդացել Տատյանա Պողոսյանը՝ մուլտիմեդիայի հարցերով մասնագետ: Դա լրագրությունում ժամանակակից ուղղություն է: Նա մուլտիմեդիոն տեխնոլոգիաներ է սովորեցրել: Նման մասնագետները շատ չեն:
