Լաուրա Սարգսյան, Sputnik.
Հայտնի «Վան Գոգ» կոկտեյլը կարելի է փորձել ոչ միայն Նիդեռանդներում, որտեղ ծնվել է Վինսենթ Վան Գոգը, կամ Ֆրանսիայում, որտեղ մահացել է. այն պատրաստում են երևանյան հարմարավետ սրճարաններից մեկում։ Կոկտեյլի հիմքում ափսինթն է` նկարչի սիրելի ըմպելիքը։ Վարկածներից մեկի համաձայն` հենց այդ ըմպելիքի չարաշահումը նրան կործանեց։
««Վան Գոգ» պատրաստելու համար խառնում են վիսկին, ռոմը, ֆրանսիական թունդ լիկյորը` նարնջի համով, ափսինթ և մի քանի կաթիլ թանձր քաղցր մրգահյութը», – Sputnik Արմենիայի հետ զրույցում ասաց «Վան Գոգ» արտ–սրճարանի բարմեն Մարիամ Արզումանյանը։
XIX դարում, իհարկե, ոգելից խմիչքների այդպիսի բազմազանություն չկար։ Մի վարկածի համաձայն` Վան Գոգը ափսինթը շամպայնի հետ էր խմում։ Խառնելով երկու ըմպելիքները` նա ստանում էր այսօրվա կոկտեյլի նախատիպը։ Վան Գոգի հայտնի աշխատանքներից մեկն այդպես էլ կոչվում է` «Նատյուրմորտ ափսինթով»։
Դա նկարչի արվեստի երկրպագուների մոտ մտահաղացում առաջացրեց կոկտեյլ պատրաստել` վարպետի կտավների պես վառ նոտաներով, և այն կոչել նկարչի անունով։
Վան Գոգի որոշ կենսագիրներ կարծում են, որ հենց այդ ըմպելիքի չարաշահումը նրան մահվան հասցրեց։ Այդ վարկածն անհավանական է թվում նկարչի արվեստի երկրպագու, «Վան Գոգ» արտ–սրճարանի տնօրեն Արտյոմ Այվազյանին։
«Հալյուցինացիաներն ու բռնկումները Վան Գոգի մոտ գենետիկ, ցեղական հիվնդության հետևանք էին։ Նրա մայրն ու բարեկամները էպիլեպսիա ունեին։ Հնարավոր է, այդ հիվանդությունը նրան էլ էր փոխանցվել», – ասաց Այվազյանը` Sputnik Արմենիայի հետ զրույցում։
Այվազյանը հոլանդական նկարչի արվեստը դեռ մանուկ հասակում է բացահայտել իր համար։ Դա դրդել է նրան բացել նկարչին նվիրված արտ–սրճարան։
Հիվանդություններն ու կեցության բարդ պայմանները կարող էին հասցնել նկարչին ինքնասպանության։ Եղբորն ուղղված նամակներում նա հաճախ գումար էր խնդրում ներկերի համար։ Վան Գոգը հազիվ էր ծերը ծերին հասցնում։ Նկարչի կյանքի օրոք վաճառված նկարներից մեկը կոչվում է «Խաղողի կարմիր այգիներ Առլում»։ Այսօր այն կարելի է տեսնել Պուշկինի անվան կերպարվեստի թանգարանում։
Վան Գոգը ծնվել է հոլանդացի քաջանային ընտանիքում։ Նկարչի լույս աշխարհ գալուց մի տարի առաջ ծնվել էր նրա եղբայր Վինսենթը, որը մի ամսից մահացել էր։ Վան Գոգին անվանել են նրա մահացած եղբոր պատվին։ Որոշ էզոտերիկներ դրանում առեղծված են տեսնում` կարծելով, որ երեխաներին չի կարելի մահացած մարդկանց անուններ տալ։
1980 թվականի հուլիսի 27–ին Վան Գոգը կրակեց ինքն իրեն, նա սրտին էր նշան բռնել, սակայն վրիպեց։ Նկարիչը ևս երկու օր տառապալի օր ապրեց ։ Հուլիսի 29–ին աշխարհը կորցրեց մեծ իմպրեսիոնիստին։
