ԵՐԵՎԱՆ, 27 հուլիսի – Sputnik. Հայաստան տեղափոխվելը «զվարճալի հանգամանքների զուգադիպություն» էր, որոնք կապված էին 1980 թվականի Օլիպմիադայի հետ, պատմել է ռուս նկարիչ Ալեքսանդր Պետրովը yarreg.ru–ին։
«Այն ժամանակ Մոսկվայից աքսորում էին ում կարելի է ու ում չի կարելի, այդ թվում` օտարերկրյա ուսանողներին։ Այսպես` հայտնվեցի Հայաստանում, Ռոբերտ Սահակյանցի հայտնի «Հայֆիլմում»։ Ինձ համար դա պարզապես պայթյուն էր։ Ես սիրահարվեցի այս հիասքանչ երկրին, մանավանդ` հայկական մուլտիպլիկացիային», – խոստովանում է նկարիչը։
Նրա խոսքով` Մոսկվայի Գերասիմովի անվան կինեմատոգրաֆիայի համառուսական պետական ինստիտուտն ավարտելուց հետո նա Հայաստան տեղափոխվեց ընտանիքի` կնոջ ու որդու հետ` հույս ունենալով հիմնվել Հայաստանում և աշխատել «Հայֆիլմ» ստուդիայում։
«Մեկ տարվա ընթացքում ես որպես բեմադրող նկարիչ երկու ֆիլմ պատրաստեցի։ Բայց ինձ չհաջողվեց երկար տարիներ մնալ Հայաստանում», – ասաց Պետրովը։
Պետրովի «Ծերունին և ծովը» ֆիլմը` Էռնեստ Հեմինգուեյի հայտնի ստեղծագործության մոտիվներով, «Օսկարի» է արժանացել։
