ԵՐԵՎԱՆ, 23 հուլիսի — Sputnik. Այսօր ժամը 17:50-ի սահմաններում արտակարգ իրավիճակների նախարարությունը հաղորդագրություն է ստացել այն մասին, որ Երևան-Սևան ավտոճանապարհի 19 կմ հատվածում՝ Արզնու կամրջի մոտ, բախվել են Ford Transit մակնիշի 20 OO 542 համարանիշի և ВАЗ 2106 մակնիշի 35 GC 405 համարանիշի ավտոմեքենաները։
Վթարի տուժած 4 հոգի մարմնական վնասվածքներով տեղափոխվել են Աբովյանի բժշկական կենտրոն, նրանցից 2-ը երեխաներ են:
Բախման հետևանքով 06-ը դուրս է եկել Ճանապարհի երթևեկելի գոտուց, տապալել էլեկտրասյունը և գլխիվայր շրջվելով հայտնվել դաշտում, իսկ Ford-ը կողաշջրվել է:
Դեպքի վայրում աշխատում են ոստիկաններն ու փրկարարները։ Վթարի հանգամանքները պարզվում են։
