ԵՐԵՎԱՆ, 22 հուլիսի — Sputnik, Լաուրա Սարգսյան․ Ավելի քան տասը տաղավար՝ շոկոլադե տարատեսակ արտադրանքներով ներկայացված են Choco Fest երկրորդ ամենամյա փառատոնին։
Գլխավոր ուտեստը բուրգերն էր՝ շոկոլադե և այլ բաղադրիչներով, որը պատրաստել էր Personal Chef արտ-ֆուդի թիմը։
«Շատ լավ գաղափար է։ Այսպիսի միջոցառումներն անհրաժեշտ են մեր քաղաքի համար, քանի որ ուղղված են հայկական շոկոլադին մեծ տարածում տալուն», — Sputnik Արմենիայի հետ զրույցում ասաց Personal Chef Armenia-ի հիմնադիր և շեֆ-խորահար Համլետ Մարգարյանը։
Շոկոլադե ապրանքի ներմուծողները միաձայն պնդում են այսպիսի միջոցառումների կարևորությունը՝ հայկական շոկոլադը՝ բելգիական հումքով և առանց դրա, պետք է առաջ տանել։ Այն ոչ մի բանով՝ ոչ համով, ոչ էլ որակով չի զիջում համաշխարհային բրեդերին։
Ներկայացված արտադրանքների շարքում կար նաև կոսմետիկա՝ պատրաստված շոկոլադի գլխավոր բաղադրիչների՝ կակաոյի յուղի ու կակաոյի հատիկների հիման վրա։ Ստեղծողների կարծիքով՝ դրանց մեջ կան շատ սնուցող տարրեր, որոնք դրական ազդեցություն են ունենում մաշկի վրա։ Մասնակիցները փորձել էին արտադրանքն իրենց ապագա գնորդներին ներկայացնել հնարավորինս գեղեցիկ։
Ցանկացողները կարող էին շոկոլադ պատրաստել ՝ Chocolab լաբորատորիայի ներկայացուցիչների օգնությամբ։
«Փառատոնը հայ գործարարների համար հնարավորություն է ներկայացնել իրենց շոկոլադը լայն լսարանին, ավելացնել սպառողների քանակը, գովազդել ընկերությունը ու նաև մրցել», — Sputnik Արմենիայի հետ զրույցում ասաց Loft-ի ստեղծագործական ղեկավար Ալեքս Միրզոյանը։
Choco Fest-ը նվիրված էր Շոկորադի համաշխարհային օրվան։ Նույն օրը տեղի ունեցավ նաև «Շոկոլադ» ֆիլմի ցուցադրությունը։
