ԵՐԵՎԱՆ, 20 հուլիսի – Sputnik, Լաուրա Սարգսյան. Երևանում բացվեց ժամանակակից արվեստի շրջիկ տրիենալեն։ Երեկոյան, մայրաքաղաքի թանգարաններից մեկում կբացվի բրազիլահայ լուսանկարիչ Գասպար Գասպարյանի ցուցահանդեսը։
«Ստանդարտ» խորագրով հայկական տրինեալեի համակարգողն ու հեղինակն Ադելինա Ջյուբերյան Ֆոն Ֆյուրսթենբերգն է։ Տրիենալեի անցկացման համար նրան ոգեշնչեց հաղթանակը Վենետիկի 56-րդ բիենալեում։ Սուրբ Ղազարում տեղակայված Armenity տաղավարը արժանացել էր «Ոսկե առյուծ» գլխավոր մրցանակի։
2015 թ.–ին աշխարհի ամենահին արտ–փառատոններից մեկում Հայաստանն առաջին մրցանակի է արժանացել ավելի քան 100 մասնակից երկրների շարքում` առաջ անցնելով այնպիսի երկրներից, ինչպիսին են ԱՄՆ–ն, Ճապոնիան և այլն։
«Առաջին հայկական տրիենալեն կոչվում է «Ստանդարտ»` առաջին հայկական ավանգարդային հանդեսի պատվին, որը 1924թ-ին հրատարակել են Մոսկվայում բանաստեղծ Եղիշե Չարենցն ու ճարտարապետներ Կարո Հալաբյանը և Միքայել Մազմանյանը», – լրագրողների հետ զրույցում ասաց Արվեստների հայկական խորհրդի նախագահ Վարդան Կարապետյանը։
«Լեռան անալոգը» խորագիրը նույնպես Ադելինայի մտահաղացումն է։ Նրան ոգեշնչել է ֆրանսիացի սյուռեալիստ գրող Ռենե Դոմալի համանուն անավարտ վեպը։
Տրիենալեն կմեկնարկի Երևանում, հետո կտեղափոխվի Գյումրի, ուր ներկայացված կլինի միանգամից երեք վայրում` Ասլամազյան քույրերի տուն-թանգարանում, Սերգեյ Մերկուրովի տուն-թանգարանում, ինչպես նաև Ազգային ճարտարապետության թանգարանում: Դրան մի փոքր ընդմիջում կհետևի, ու սեպտեմբերի 12–ին տրիենալեն կշարունակվի Երևանում և Սևանում։ Արվեստի տոնը մինչև տարեվերջ մեզ հետ կլինի։
Շրջիկ տարբերակն ընտվեց եկար քննարկումների և բանավեճերի արդյունքում։ Կազմակերպիչների մտահղացման համաձայն` այդ ձևաչափը հնարավորություն կտա թեթևացնել մայրաքաղաքի ծանրաբեռնվածությունը և կխթանի Հայաստանի այլ քաղաքներում ժամանակակից արվեստի զարգացումը։
