ԵՐԵՎԱՆ, 25 մայիսի — Sputnik. Վենետիկի բիենալեին, որն անցկացվում է 2017-ի մայիսի 13-ից նոյեմբերի 26, մասնակցում են 51 երկրների 120 արվեստագետներ։
Համաշխարհային արվեստի առաջատար առցանց լրատու Blouin Artinfo հանդեսը Վենետիկի այս տարվա բիենալեում Հայաստանի տաղավարը ներառել է 10 դիտարժանների ցանկում («10 տաղավարներ, որոնք, անպայման, պետք է տեսնել»)։ Ոչ այբբենական կարգով թվարկված տասի մեջ Հայաստանի տաղավարի անունն առաջինն է։ Այս մասին տեղեկացնում է ՀՀ մշակույթի նախարարության մամուլի ծառայությունից։
Այս տարվա բիենալեի «Կեցցե′ կենդանի արվեստը» կարգախոսի ներքո Հայաստանի տաղավարը մեկտեղել է Ռաֆայել Մեգալի (Մելիքյան. համադրող՝ Դեմետրիո Պապարոնի), Ժան Պողոսյանի (համադրող՝ Բրունո Կորա) և Միրո Պերսոլյայի (համարդող՝ Ջիորջիո Գրասսո) գործերը:
