Համացանցում տարածված տեսանյութում նա կարդում է Պարույր Սևակի «Ես օգնեցի բոլորին, ես ինձ միայն չօգնեցի» բանաստեղծությունը։
Նշենք, որ ամիսներ առաջ նա մեկ այլ տեսանյութ էր հրապարակել, որում կարդում էր Համո Սահյանի «Ախր ես ինչպե՞ս վեր կենամ, գնամ» բանաստեղծությունը։
Արիանան ամուսնու հետ ապրում է Երևանում։ Նա բազմաթիվ անգամ է խոստովանել, որ սիրում է հայկական մշակույթն ու պատմությունը։ Այժմ նա նաև հայերեն է սովորում։
Իր հարցազրույցներից մեկում խոստովանել է, որ դեռ 9-11 տարեկանում է հրապուրվել հայոց պատմությամբ։ Շախմատի առաջին ուսուցիչը հայ է եղել, իսկ ամուսնուն` Լևոն Արոնյանին, հանդիպել է շախմատային մրցաշարերից մեկի ժամանակ։
Այդ ժամանակից ի վեր Հայաստանի հետ կապն ավելի է ջերմացել։ Նա նույնիսկ բարձրացել է Արարատ լեռն ու հայկական դրոշ ծածանել բիբլիական լեռան գագաթին։
