ԵՐԵՎԱՆ, 18 հուլիսի — Sputnik. «Ալաշկերտ» — ԲԱՏԷ խաղում William Hill բուքմեյքերական գրասենյակը ֆավորիտ է համարում Բելառուսի չեմպիոնին, որի հաղթանակը գնահատում է 1.85 գործակցով: «Ալաշկերտի» հաղթանակը ստացել է 4.20 գործակից, իսկ ոչ-ոքին՝ 3.20:
«Ալաշկերտի» և ԲԱՏԷ-ի` «Բորիսով Արենա» մարզադաշտում կայացած առաջին խաղն ավարտվել էր 1:1 հաշվով: Պատասխան հանդիպումը կկայանա հուլիսի 18-ին Երևանի «Հանրապետական» մարզադաշտում և կմեկնարկի ժամը 20:00-ին:
Այս զույգի հաղթողը հաջորդ փուլում կմրցի Չեխիայի չեմպիոն Պրահայի «Սլավիայի» հետ:
Չեմպիոնների լիգայի որակավորման երրորդ փուլի առաջին հանդիպումները կկայանան հուլիսի 25/26-ին, իսկ պատասխան խաղերը՝ օգոստոսի 1/2-ին:
