Տնտեսագետի խոսքով` յուրաքանչյուր հաշվարկ հիմնվում է ենթադրությունների վրա, որոնք գնահատում են ապագան և թվերը։
«Մենք պետք է հաշվի առնենք, որ հաշվարկներում կարող են շեղումներ լինել, կարևորը դինամիկան է»,- ասաց նա։
Թավադյանն այս թեմային անդրադարձել է նաև իր «Տնտեսության անորոշության միջակայքերը» գրքում, որում հատուկ շեշտվում է`չի կարող այնպես լինել, որ հստակ կարողանաս կանխորոշել այս կամ այն թիվը։
Ըստ նրա` այլ երկրներում կատարված վերջին հետազոտությունները նույնպես հաստատել են, որ կոնկրետ ցուցանիշներ կանխորոշելը նույնիսկ վտանգավոր է, եթե դրանք հստակ ֆիքսվում են։
«Որովհետև շեղումների դեպքում պետությունը անվտանգության բարձիկ չի ունենում, և եթե թիվն ավելի բարձր է լինում, համապատասխան ծրագրեր չեն լինում, որ դրանք էլ կատարված լինեն»,- ասաց նա։
Տնտեսագետը պնդեց` կանխատեսումներում անհրաժեշտ է հաշվի առնել շեղումները, և դա պետք է արվի միջակայքային շեղումով, միջակայքի ժամանակ հաշվի առնվի վերելքների և ներքին սահմանների հնարավորությունները։
