ԵՐԵՎԱՆ, 13 հուլիսի — Sputnik. FIDE Grand Prix մրցաշարի 7-րդ տուրում հայ գրոսմայստեր Լևոն Արոնյանը սևերով ոչ-ոքի է խաղացել հոլանդացի Անիշ Գիրիի հետ:
Արոնյանն իր ակտիվում գրանցել է 3,5 միավոր և կիսում է 4-րդից 12-րդ տեղերը:
Տուրի մյուս պարտիաները դեռ շարունակվում են:
նախորդ 6 տուրերում Արոնյանը տարել է մեկ հաղթանակ, կրել մեկ պարտություն և 4 պարտիա ավարտել ոչ-ոքի: 9 տուրով անցկացվող մրցաշարին մասնակցում է 18 շախմատիստ:
