ԵՐԵՎԱՆ, 12 հուլիսի — Sputnik. Ինտերպոլը հրաժարվել է Յարոմիր Շտետինին միջազգային խուզարկություն հայտարարել Ադրբեջանի պահանջով։ Այդ մասին հայտնում է Ռադոի Պրահան՝ հղում անելով Եվրոպական ժողովրդական կուսակցության մամուլի ծառայությանը, որի անդամ է հանդիսանում Շտետինը։
Պաշտոնական Բաքուն մեղադրել է Յարոմիր Շտետինին ու նրա երկու գործընկերներին՝ Ֆրանկ Էնգելին Լյուքսեմբուրգից և Էլենի Թեոհարուսին Կիպրոսից, այն բանում, որ նրանք Ադրբեջանի օրենքներն են խախտել՝ փետրվարին գնալով Արցախ, որտեղ եվրախորհրդարանի պատգամավորները դիտորդի կարգավիճակում մասնակցում էին հանրաքվեին։
Ձերբակալման պահանջը նպատակ ուներ վախեցնել հարյուրավոր միջազգային մասնագետների, որոնք տվյալ պահին աշխատում են Արցախում, նշել է Շտետինը։
Ինտերպոլի Լիոնի բաժանմունքը հանձնարարականով դիմել է անդամ երկրներին, որ նրանք ջնջեն պահանջն իրենց տվյալների բազաներից և չառաջնորդվեն դրանով։
