ԵՐԵՎԱՆ, 12 հուլիսի — Sputnik. Ադրբեջանին զենք վաճառելը չպետք է խանգարի Հայաստանի և Ռուսաստանի դաշնակցային հարաբերություններին, այսօր` հուլիսի 12–ին Sputnik Արմենիա մամուլի կենտրոնում ասաց ԱԺ փոխխոսնակ Էդուարդ Շարմազանովը։
«Մենք բազմիցս խոսել ենք Ադրբեջանին զենք վաճառելու մասին, այդ թվում` ռուս գործընկերների հետ հանդիպման ընթացքում։ Կարծիքն անփոփոխ է։ Ադրբեջանն այն պետությունը չէ, որին կարելի է զենք
Զենք, նրա խոսքով, կարելի է վաճառել պաշտպանվող, այլ ոչ հարձակվող երկրներին։
«Մյուս կողմից դա չպետք է խանգարի հայ-ռուսական ռազմավարական հարաբերություններին, դրանց խորացմանը», – ասաց Շարմազանովը։
Նրա խոսքով` հայ-ռուսական ռազմական համագործակցությունը դաշնակցային բնույթ է կրում, Ռուսաստանն ու Հայաստանն իրականացնում են երկկողմ համաձայնագրի բոլոր կետերը։
Փոխխոսնակն ընդգծեց, որ հայ-ռուսական հարաբերություններն ավելի խորն ու ընդարձակ են և չարժե դրանք պայմանավորել միայն Ադրբեջանին զենք վաճառելով։
