ԵՐԵՎԱՆ, 6 հուլիսի – Sputnik. ԵԱՏՄ շրջանակում Հայաստանի հեռանակարների ու հնարավորությունների մասին այսօր խոսվեց Երեւանում անցկացվող «Հայաստանի Հանրապետություն. երկու տարի Եվրասիական տնտեսական միությունում: Առաջին արդյունքները» կլոր սեղանի ընթացքում։
Կլոր սեղանին մասնակցել են փոխվարչապետը, միջազգային տնտեսական ինտեգրման և բարեփոխո
Անցած երկու տարիները ցույց տվեցին, որ չնայած տարածաշրջանում արտաքին բացասական միտումներին, Հայաստանից արտահանման ծավալն աճել է, իսկ ներմուծվող ապրանքի գինը` նվազել, կրճատվել է նաև վճարային հաշվեկշռի դեֆիցիտը, նշեց Վաչե Գաբրիելյանը։
Նրա խոսքով` բազմաթիվ այլ ցուցանիշներ կան, որտեղ առաջընթացն այդքան ակնհայտ չէ, և այստեղ անելիքները դեռ շատ են։
«Մեծ ներուժ կա, որը դեռ օգտագործված չէ, դա փաստ է։ Կարծում եմ՝ այսօրվա քննարկումը թույլ կտա Հայաստանին և ԵԱՏՄ այլ երկրներին ինտեգրման խորացման հնարավորություններ գտնել»,– ասաց Գաբրիելյանը։
«Հայաստանի Հանրապետություն. երկու տարի Եվրասիական տնտեսական միությունում: Առաջին արդյունքները» նստաշրջանը բացելիս` Տատյանա Վալովայան խոսեց այն առավելությունների մասին, որոնք Հայաստանին տալիս է ԵԱՏՄ անդամակցությունը։ Դա արդյունաբերության աճի տեմպերի աճն է, ներքին համախառն արդյունքի և հայկական արտադրանքի մատակարարման աճը միության միասնական շուկայի տարածքում։
«2016 թվականին Հայաստանի արտահանումները ԵԱՏՄ տարածք աճել են ավելի քան 50 տոկոսով։ Երկիրն առաջին տեղն է զբաղեցրել արդյունաբերական արտադրանքի աճի տեմպերով։ Անցած տարի այն 6,7% էր կազմում»,- ասաց Վալովայան։
ԵՏՀ–ի տվյալներին համաձայն` Հայաստանից դեպի երկրորդ երկրներ արտահանման աճը 2016 թվականին կազմել է 13%, բարձր տեխնոլոգիական արտադրանքի արտահանման բաժինը կազմել է ընդհանուր ծավալի 12%-ը, իսկ մինչ այդ միության տարածքում միջին ցուցանիշը 8,8% էր կազմում։ Հայկական ապրանքի արտահանումը ԵԱՏՄ ներքին շուկա` կազմել է արտահանման ընդհանուր ծավալի 15,9–ից մինչև 22%։
Գյուղատնտեսական ապրանքի արտադրությունը 2016 թվականին աճել է 6,5%, ինչը թույլ է տվել երկրին ավելացնել Միության ներքին շուկա արտահանվող ապրանքի քանակը։ 2014 թվականի տվյալների հետ համեմատ արտահանումը ավելացել է 6%–ով և հասել է 260,7 միլիոն դոլարի։ Ամենաշատը մեծացել է մրգերի, ալկոհոլային և ոչ ալկոհոլային արտահանման ծավալը։
Արդյունաբերական արտադրանքի աճը հասել է 6,7%, իսկ 2017 թվականի առաջին եռամսյակում, անցած տարվա նույն ժամանակահատվածի հետ համեմատ, այդ ցուցանիշը կազմել է 16,2%։
Փոխադարձ առևտրի ծավալը ավելացել է 38,4% –ով` հասնելով մինչև 102,5 միլիոն դոլարի և գերազանցելով 2014 թվականի մակարդակը 49%–ով, իսկ 2015 թվականի մակարդակը՝ երեք անգամ։
