ԵՐԵՎԱՆ, 1 հուլիսի — Sputnik. Ուսումնական վարժանքի նախապես մշակված սցենարի համաձայն, ինչպես նշեց ԱԻՆ փրկարար ծառայության պետ Մուշեղ Ղազարյանը, մետրոյի կայարանում որոտացած պայթյունից տուժել է 90 մարդ, որից 45-ը՝ վիրավորվել է:
Ու մինչև դեպքի վայր ժամանած փրկարարները տարհանում ու առաջին բուժօգնություն էին ցույց տալիս կայարանում տեղի ունեցած պայթյունից տուժածներին, լուր ստացվեց, որ տեղի է ունեցել երկրորդ պայթյունը, այս անգամ արդեն ընթացքի մեջ գտնվող մետրոյի վագոնում:
«Թունելի մեջ եղավ պայթյուն, ապա ծխի իմիտացիա, իբր, հրդեհ է բռնկվել, մարդկանց տարհանում են: Իմիջիայլոց, վարժանքին մասնակցում էին նաև փրկարար ծառայության քիմիկոսները, որոնք առաջին և երկրորդ պայթյուններից հետո գնահատեցին՝ քիմիական վտանգավոր տարր կա, թե՝ ոչ: Պարզեցին, որ վտանգավոր տարր չկա, որից հետո փրկարարները սկսեցին իրենց գործողությունները»,- հայտնեց Ղազարյանը:
Պայթյունից տուժած վիրավորներին տարհանելուց ու մետրոյի կայարանի տարածքն ազատելուց հետո դեպքի վայր ժամանեց նաև հրշեջ ջոկատը՝ պայթյունի հետևանքով բռնկված հրդեհը մարելու համար:
![ԱԻՆ ուսումնական վարժանքը մետրոյի «Հանրապետության հրապարակ» կայարանում ԱԻՆ ուսումնական վարժանքը մետրոյի «Հանրապետության հրապարակ» կայարանում - Sputnik Արմենիա](https://cdn.am.sputniknews.ru/img/781/10/7811091_90:0:949:540_600x0_80_0_0_3704a3d1177e7f081e3f4215fc101d47.jpg)
![ԱԻՆ ուսումնական վարժանքը մետրոյի «Հանրապետության հրապարակ» կայարանում ԱԻՆ ուսումնական վարժանքը մետրոյի «Հանրապետության հրապարակ» կայարանում - Sputnik Արմենիա](https://cdn.am.sputniknews.ru/img/781/12/7811208_22:0:881:540_600x0_80_0_0_cc7b6bbb04e8380be7981631f15fcdfa.jpg)
![ԱԻՆ ուսումնական վարժանքը մետրոյի «Հանրապետության հրապարակ» կայարանում ԱԻՆ ուսումնական վարժանքը մետրոյի «Հանրապետության հրապարակ» կայարանում - Sputnik Արմենիա](https://cdn.am.sputniknews.ru/img/780/98/7809831_0:0:858:540_600x0_80_0_0_d5e19c027fa7b46a56215fbe760f8c49.jpg)
![ԱԻՆ ուսումնական վարժանքը մետրոյի «Հանրապետության հրապարակ» կայարանում ԱԻՆ ուսումնական վարժանքը մետրոյի «Հանրապետության հրապարակ» կայարանում - Sputnik Արմենիա](https://cdn.am.sputniknews.ru/img/781/11/7811148_0:0:858:540_600x0_80_0_0_afc2fe4139cee9bf12eee847b397a2c3.jpg)
![ԱԻՆ ուսումնական վարժանքը մետրոյի «Հանրապետության հրապարակ» կայարանում ԱԻՆ ուսումնական վարժանքը մետրոյի «Հանրապետության հրապարակ» կայարանում - Sputnik Արմենիա](https://cdn.am.sputniknews.ru/img/781/10/7811034_101:0:960:540_600x0_80_0_0_29d376a21a6a2b4616739502379925fa.jpg)
Զորավարժանքն ավարտվեց, փրկարարներն ապացուցեցին՝ անհրաժեշտության դեպքում պատրաստ են կատարել իրենց պարտականությունները: Վարժանքին ներկա էր և փրկարարներին կատարած աշխատանքի համար շնորհակալություն հայտնեց նաև ԱԻ նախարար Դավիթ Տոնոյանը։ Փրկարար ծառայության ղեկավարներն էլ խոստացան՝ վարժանքի ընթացքում գրանցած թերությունները կշտկեն ու հաջորդ անգամ ավելի կատարելագործված հանդես կգան:
Բայց փրկարարներին ու հատուկ միջոցների ներկայությունից անհանգստացած անցորդներին փրկարարների պրոֆեսիոնալ աշխատանքից առավել հուզում էր այն միտքը, որ վարժանքը երբեք իրականություն չդառնա: