Նախագահը նշեց, որ Հանրապետականն ի վիճակի էր սեփական ներուժով կառավարություն կազմավորել, բայց որոշեցին կառավարության ծրագիրն իրականացնել իրենց կոալիցիոն գործընկերոջ հետ։
«Հայ Հեղափոխական Դաշնակցության մեր գործընկերների հետ միասին մենք ձևավորել ենք մի կառավարություն, որը վստահ եմ` ունակ է լուծելու իր առջև դրված բոլոր խնդիրները։ Մենք պատրաստ ենք աշխատելու բոլոր կառուցողական ուժերի հետ գործադիր և օրենսդիր իշխանությունների շրջանակներում, տեղական ինքնակառավարման մարմիններում և անգամ նշված կառույցներից դուրս: Նման համագործակցության համար մեր կողմից միակ նախապայմանն է քաղաքավարության և բարեկրթության նորմերի պահպանումը»,– ասաց նախագահը։
Բայց այդ նախապայմանների մեջ, նախագահի խոսքով, չի մտնում կառուցողական քննադատությունը։
«Քննադատությունը նշածս նորմերի խախտում չենք համարում»,– ասաց Սերժ Սարգսյանը։
