ԵՐԵՎԱՆ, 29 հունիսի — Sputnik. Մինչև 2017 թվականի հուլիսի 1-ը սահմանափակվել են տեսչությունների կողմից իրականացվող ստուգումները։ Կառավարության այսօրվա նիստում այս մասին հիշեցրեց վարչապետն ու շարունակեց` տեսչական ստուգումների կասեցումը կերկարաձգվի։
«Կառավարության աշխատակազմի ղեկավարին հանձնարարում եմ կառավարության հաջորդ նիստին ներկայացնել համապատասխան որոշման նախագիծ ստուգումների կասեցումը մինչև տարեվերջ երկարաձգելու վերաբերյալ»,-ասաց Կարեն Կարապետյանը։
Այնուհետև Կարապետյանը պարզաբանեց` ստուգումների ժամանակավոր կասեցումը նպատակ ունի բիզնեսը զերծ պահել անհարկի տեսչական միջամտություններից։
Թյուրըմբռնումից խուսափելու համար վարչապետը տեղեկացրեց, որ ստուգումների սահմանափակումը չի տարածվում բարձր ռիսկային խմբում գտնվող տնտեսվարող սուբյեկտների վրա, ստուգումները շարունակվելու են այն դեպքերում, երբ վտանգի սպառնալիք կլինի մարդու կյանքին, առողջությանը, հանրային անվտանգությանը և ուրիշների իրավունքներին։
