ԵՐԵՎԱՆ, 26 հունիսի — Sputnik. Հունիսի 26-ը Խոշտանգուﬓերի զոհերի աջակցության ﬕջազգային օրն է։ ՀՀ գլխավոր դատախազության հատկապես կարևոր գործերով քննության վարչության պետի տեղակալ Կարեն Բիշարյանը նշել է, որ այդ առթիվ ՀՀ դատախազության կոլեգիայի ընդլայնված նիստ է հրավիրվել, որտեղ առաջարկվել է տեսագրումը առավել հաճախ օգտագործել պրակտիկայում:
«ՄԱԿ-ի խոշտանգուﬓերի դեմ կոﬕտեի հանձնարարականում շատ կարևոր շեշտադրում է արված` խոշտանգուﬓերը կանխարգելելու և պատշաճ ապացույցներ ձեռք բերելու համար կասկածյալների, ﬔղադրյալների մասնակցությամբ կատարվող դատավարական, քննչական գործողությունները պետք է տեսագրել: Բացի այդ, ՄԱԿ-ն առաջարկել է օրենսդրական և ֆինանսական աջակցություն ցուցաբերել, որպեսզի արգելանքի տակ պահվող վայրերը, քննչական գործողությունների սենյակները ևս զինվեն տեսագրվող սարքերով»,- ասել է Բիշարյանը:
Նրա խոսքով` դատախազությունը չունի օրենսդրական և ֆինանսական լիազորություններ, ուստի ընդլայնված նիստի ժամանակ քննչական մարﬕնների ղեկավարներին առաջարկվել է լուծում:
«Հայեցողական կարգով քննիչին այդ իրավունքը վերապահվում է` հարցաքննությունը և այլ քննչական գործողությունը տեսագրել: Մենք առաջարկել ենք, որ քննչական մարﬕնների ղեկավարները առավել հաճախ քննչական պրակտիկայում կիրառեն տեսագրող սարքեր, հատկապես, քննչական գործողությունների կատարման, ինչպես նաև կասկածյալի հարցաքննության ընթացքում»,- ասաց Բիշարյանը:
Ըստ նրա՝ ուսումնասիրությունները ցույց են տալիս, որ հիﬓականում խոշտանգման մասին հաղորդուﬓերը տալիս են այն անձինք, ովքեր քննության որևէ փուլում խոստովանական ցուցմունք են տվել և հետագայում, փորձելով վիճարկել իրենց խոստովանական ցուցմունքը, ներկայացնում են հաղորդում, որտեղ մատնանշում են, որ, իբր, խոստովանական ցուցմունքը տվել են խոշտանգման ազդեցության տակ, ուստի տեսագրումը անհրաժեշտ է նման դեպքերը բացառելու և ապացույցներ ունենալու համար։
