ԵՐԵՎԱՆ, 26 հունիսի — Sputnik. Հանրապետության տարածքում հունիսի 26-27-ը սպասվում է առանց տեղումների եղանակ, 28-30-ի երեկոյան ժամերին հանրապետության առանձին՝ առավելապես հյուսիսային շրջաններում սպասվում է կարճատև անձրև և ամպրոպ, առանձին վայրերում հնարավոր է կարկուտ։
Քամին հարավ-արևմտյան՝ 3-8 մ/վ, ամպրոպի ժամանակ հնարավոր է քամու ուժգնացում՝ 18-23 մ/վ:
«Օդի ջերմաստիճանը 26-28-ը աստիճանաբար կբարձրանա 2-3 աստիճանով, այնուհետև նույնքան կնվազի»,– նշված է «Հիդրոմետ» ծառայության հաղորդագրության մեջ։
Երևանում հունիսի 26-28-ը սպասվում է առանց տեղումների եղանակ, 29-30-ի երեկոյան ժամերին հնարավոր է կարճատև անձրև և ամպրոպ, ամպրոպի ժամանակ՝ քամու ուժգնացում՝ 18-20 մ/վ։
Մայրաքաղաքում այսօր` հունիսի 26-ին, ցերեկային ժամերին օդի ջերմաստիճանը կկազմի 32-34, գիշերային ժամերին` 18-20 աստիճան տաքություն։
