ԵՐԵՎԱՆ, 22 հունիսի — Sputnik. Ստոկհոլմի հռչակավոր Վասա թատրոնում, որը երկարամյա վերանորոգումից հետո նոր է բացել դռները հանդիսատեսի առջև, կայացավ «Forceful feelings» հայկական բալետային համույթի ներկայացումը Ստոկհոլմի թագավորական բալետի, Բավարիայի և Բեռլինի պետական բալետների հայ և օտարազգի մենակատարների մասնակցությամբ՝ նվիրված մեր երկու երկրների միջև դիվանագիտական հարաբերությունների հաստատման քառորդ դարին։ Ներկաները հնարավորություն ունեցան վայելելու շվեդ, հայ և համաշխարհային այլ նշանավոր խորեոգրաֆներ Մաթս Էկի, Նաչո Դուատոյի, Արսեն Մեհրաբյանի, Յիրի Բուբենիչեկի, Դասթին Քլայնի, Յոհան Ինյերի եւ այլոց ստեղծած բալետային համարները։
Հայ-շվեդական պատմական առնչությունների ու քառորդդարյա միջպետական հարաբերությունների վերաբերյալ ընդգրկուն ելույթի ընթացքում ՀՀ դեսպան Արտակ Ապիտոնյանը ներկայացրեց հայ-շվեդական քաղաքական երկխոսության, տնտեսական կապերի, կրթամշակութային փոխանակումների առաջընթացը դիվանագիտական հարաբերությունների կնքումից ի վեր։
Թագավորական արքունիքի գլխավոր արարողապետ, Հայաստանում Շվեդիայի նախկին դեսպան Յոհան Մոլանդերն իր ելույթում անդրադարձավ Հայաստանի մշակութային հարուստ ժառանգությանն ու պատմական անցյալին, Հայաստան-Շվեդիա հարաբերություններին, վստահություն հայտնեց, որ դրա էլ ավելի զարգացմանը խորապես նպաստի Հայաստանի և Եվրամիության միջև Համապարփակ ու ընդլայնված համագործակցության համաձայնագրի ստորագրումը և իրագործումը։ Հանդիսավոր արարողությանը և բալետային ներկայացմանը ներկա էին շուրջ երեք տասնյակ դեսպաններ, բազմաթիվ պատգամավորներ, քաղաքական, հասարակական ու մշակութային գործիչներ, դիվանագետներ, մամուլի ներկայացուցիչներ, շվեդահայ համայնքի անդամներ:
Թատրոնի նախասրահում հյուրերը կարող էին ծանոթանալ լուսանկարիչ Դավիթ Հակոբյանի «Պատմություններ ճանապարհից» շարքի մի շարք լուսանկարների։
![Լուսանկարիչ Դավիթ Հակոբյանի «Պատմություններ ճանապարհից» շարքի լուսանկարների ցուցադրությունը Ստոկհոլմում` նվիրված հայ–շվեդական դիվանագիտական հարաբերությունների հաստատման 25–ամյակին Լուսանկարիչ Դավիթ Հակոբյանի «Պատմություններ ճանապարհից» շարքի լուսանկարների ցուցադրությունը Ստոկհոլմում` նվիրված հայ–շվեդական դիվանագիտական հարաբերությունների հաստատման 25–ամյակին - Sputnik Արմենիա](https://cdn.am.sputniknews.ru/img/771/48/7714880_0:34:959:637_600x0_80_0_0_dc6df2d34930da6bc5756422ae3ec86f.jpg)
![Լուսանկարիչ Դավիթ Հակոբյանի «Պատմություններ ճանապարհից» շարքի լուսանկարների ցուցադրությունը Ստոկհոլմում` նվիրված հայ–շվեդական դիվանագիտական հարաբերությունների հաստատման 25–ամյակին Լուսանկարիչ Դավիթ Հակոբյանի «Պատմություններ ճանապարհից» շարքի լուսանկարների ցուցադրությունը Ստոկհոլմում` նվիրված հայ–շվեդական դիվանագիտական հարաբերությունների հաստատման 25–ամյակին - Sputnik Արմենիա](https://cdn.am.sputniknews.ru/img/771/49/7714942_0:0:1007:632_600x0_80_0_0_34127df97ad0373fcd7cad9c3739edc9.jpg)
![Լուսանկարիչ Դավիթ Հակոբյանի «Պատմություններ ճանապարհից» շարքի լուսանկարների ցուցադրությունը Ստոկհոլմում` նվիրված հայ–շվեդական դիվանագիտական հարաբերությունների հաստատման 25–ամյակին Լուսանկարիչ Դավիթ Հակոբյանի «Պատմություններ ճանապարհից» շարքի լուսանկարների ցուցադրությունը Ստոկհոլմում` նվիրված հայ–շվեդական դիվանագիտական հարաբերությունների հաստատման 25–ամյակին - Sputnik Արմենիա](https://cdn.am.sputniknews.ru/img/771/49/7714952_0:30:1125:738_600x0_80_0_0_2d5a86bd78bc950aaed324972728c6b9.jpg)
![Լուսանկարիչ Դավիթ Հակոբյանի «Պատմություններ ճանապարհից» շարքի լուսանկարների ցուցադրությունը Ստոկհոլմում` նվիրված հայ–շվեդական դիվանագիտական հարաբերությունների հաստատման 25–ամյակին Լուսանկարիչ Դավիթ Հակոբյանի «Պատմություններ ճանապարհից» շարքի լուսանկարների ցուցադրությունը Ստոկհոլմում` նվիրված հայ–շվեդական դիվանագիտական հարաբերությունների հաստատման 25–ամյակին - Sputnik Արմենիա](https://cdn.am.sputniknews.ru/img/771/50/7715011_0:87:1125:795_600x0_80_0_0_9062d82dd17cd1b658307a3d4c8f391a.jpg)
![Լուսանկարիչ Դավիթ Հակոբյանի «Պատմություններ ճանապարհից» շարքի լուսանկարների ցուցադրությունը Ստոկհոլմում` նվիրված հայ–շվեդական դիվանագիտական հարաբերությունների հաստատման 25–ամյակին Լուսանկարիչ Դավիթ Հակոբյանի «Պատմություններ ճանապարհից» շարքի լուսանկարների ցուցադրությունը Ստոկհոլմում` նվիրված հայ–շվեդական դիվանագիտական հարաբերությունների հաստատման 25–ամյակին - Sputnik Արմենիա](https://cdn.am.sputniknews.ru/img/771/88/7718888_0:37:1000:666_600x0_80_0_0_f07da5574eab7513634f7cf9a9feaa75.jpg)
Ստոկհոլմում ՀՀ դեսպանությունում ևս տեղի ունեցավ Դավիթ Հակոբյանի «Պատմություններ ճանապարհից» շարքի ամբողջական ցուցադրությունը և հանդիպում նկարչի հետ։ Ցուցահանդեսի բացմանը դեսպան Ապիտոնյանը ներկայացրեց լուսանկարչին, նրա անհատականացված մոտեցումները նույնիսկ խիստ արարողակարգային իրավիճակներում։ Այնուհետև Դավիթ Հակոբյանը ներկայացրեց որոշ լուսանկարների ստեղծման հետաքրքիր պատմությունները։