ԵՐԵՎԱՆ, 19 հունիսի — Sputnik. Հանրապետության տարածքում հունիսի 19-23-ը երեկոյան ժամերին հիմնականում հյուսիսային շրջաններում սպասվում է անձրև և ամպրոպ, ամպրոպի ժամանակ սպասվում է քամու ուժգնացում 20-25 մ/վ, առանձին վայրերում հնարավոր է կարկուտ:
Քամին կլինի հարավարևմտյան՝ 3-8 մ/վ արագության:
Օդի ջերմաստիճանը 19-20-ը աստիճանաբար կբարձրանա 3-4 աստիճանով։
Երևան քաղաքում հունիսի 19-23-ը երեկոյան ժամերին քաղաքի առանձին հատվածներում հնարավոր է կարճատև անձրև և ամպրոպ, ամպրոպի ժամանակ քամու ուժգնացում` 17-20 մ/վ արագությամբ:
Այսօր մայրաքաղաքում ցերեկային ժամերին օդի ջերմաստիճանը կկազմի 32-34, գիշերային ժամերին` 18-20 աստիճան տաքություն։
