ԵՐԵՎԱՆ, 17 հունիսի — Sputnik. Պատմության մեջ ուժեղագույն շախմատային մրցաշարերից մեկը դարձավ Լևոն Արոնյանի աստղային ժամը: Նա վստահ քայլերով մոտեցավ եզրափակչին` մեկ միավորով առաջ անցնելով Խիկար Նակամուրայից և Վլադիմիր Կրամնիկից, գրում chess-news.ru-ն:
Ընդ որում, հայ գրոսմայստերը խոստովանեց, որ մշտապես մտածում է շախմատի թագի համար պայքարի մասին:
«Ես երբեք չեմ դադարել մտածել աշխարհի չեմպիոնի կոչման համար պայքարի մասին: Երբ դադարեմ` կարիերայիս վերջը կլինի»,- ասաց Արոնյանը ռուսական շախմատային կայքին տված հարցազրույցի ժամանակ:
Լևոնի պարտիաներից դատելով՝ դժվար է կասկածել մրցաշարի գլխավոր արդյունքի արդարության մասին: Խաղում նա ավելի շուտ չհավաքեց անհրաժեշտ միավորները, քան ավել վաստակեց, գրում է chess-news.ru-ն: Հարկ է նշել, որ Արոնյանը զգալիորեն կմեծացնի իր դիրքերը ՖԻԴԵ-ի թարմացված վարկանշում, որը կհրապարակվի հուլիսի 1-ին: Ստավենգերում տարած հաղթանակը Արոնյանին 15,5 միավոր բերեց, իսկ նրա վարկանիշը հասավ 2808: Ներկա պահին նա 4-րդ տեղն է զբաղեցնում համաշխարհային վարկանշում, որը գլխավորում է աշխարհի չեմպիոն Մագնուս Կարլսենը (2822):
