ԵՐԵՎԱՆ, 14 հունիսի — Sputnik. Լոնդոնի արևմտյան հատվածում շարունակում է այրվել 27-հարկանի Grenfell Tower բնակելի աշտարակը։
Հրդեհի տուժած 50-ից ավելի մարդ հիվանդանոց է տեղափոխվել: Կան նաև զոհեր, սակայն նրանց ստույգ թիվը դեռևս չի հրապարակվել: Այս մասին տեղեկացնում է ՌԻԱ Նովոստին։
Աշտարակի բնակիչները, որոնց հաջողվել է դուրս գալ շենքից, պատմել են, որ իրենց ամբողջ ունեցվածքն այրվել է, քանի որ իրենք խուճապահար փախել են՝ չկարողանալով իրենց հետ ինչ-որ բան վերցնել:
Բնակիչներից մեկը պատմել է, որ սկզբում նկատել է, որ հարևանի տնից ծուխ է դուրս գալիս, սակայն դրան կարևորություն չի տվել: Երբ լսել է կողքի տնից եկող բղավոցները, նոր հասկացել է, որ լուրջ բան է կատարվում:
«Ես բախտավոր եմ, որ ողջ եմ, քանի որ շատերը դեռևս ներսում են»,-պատմել է նա:
![В Лондоне сгорел 27-этажный жилой дом В Лондоне сгорел 27-этажный жилой дом - Sputnik Արմենիա](https://cdn.am.sputniknews.ru/img/763/28/7632808_0:0:1600:1199_600x0_80_0_0_fd3a07f38e4b2d7384b6df858833b7c4.jpg)
Մարդկանց մի մասն էլ պատմել է, որ արդեն 5 ժամ է, ինչ իրենք լքել են այրվող շենքը, սակայն տեղեկություն չունեն ներսում մնացած բարեկամների մասին: