ԵՐԵՎԱՆ, 13 հունիսի — Sputnik. Համացանցը ողողվել է նախօրեին Երևանում տեղացած անձրևի ու կարկուտի տեսանյութերով, որոնցից մեկի հեղինակն էլ հայտնի հաղորդավար ու շոումեն Գարիկ Մարտիրոսյանն է։
Նա Instagram-ի իր էջում տեսանյութ է հրապարակել, որում դերասան Հովհաննես Ազոյանը «վայելում» է կարկուտը:
«Կարկուտ Երևանում: Կարևորը ճիշտ սանրվածքն է»,- տեսանյութը մակագրել է շոումենը:
Նշենք, որ Ռուսաստանում բնակվող Գարիկ Մարտիրոսյանն ու նրա կինը` Ժաննա Լևինան, արդեն տևական ժամանակ է Հայաստանում են։ Նրանք իրենց միկրոբլոգներում պարբերաբար տեսանյութեր և գրառումներ են հրապարակում Հայաստանի մասին։
