ԵՐԵՎԱՆ, 13 հունիսի — Sputnik. Հունիսի 13-14-ը, 16-17-ը՝ երեկոյան ժամերին, հիմնականում հյուսիսային շրջաններում, 15-ին՝ շրջանների զգալի մասում սպասվում է անձրև և ամպրոպ, ամպրոպի ժամանակ սպասվում է քամու ուժգնացում՝ 20-25 մ/վ, առանձին վայրերում հնարավոր է կարկուտ:
Քամին կլինի հարավ-արևմտյան՝ 3-8 մ/վ արագության:
Օդի ջերմաստիճանը 13-14-ը կբարձրանա 2-3 աստիճանով, 15-ի ցերեկը, 16-ի գիշերը նույնքան կնվազի:
Երևան քաղաքում հունիսի 13-ին սպասվում է առանց տեղումների եղանակ, 14-15-ը սպասվում է անձրև և ամպրոպ, ամպրոպի ժամանակ՝ քամու ուժգնացում՝ 17-20 մ/վ արագությամբ, 16-17-ի երեկոյան ժամերին առանձին հատվածներում հնարավոր է կարճատև անձրև և ամպրոպ:
Այսօր՝ հունիսի 13-ին, մայրաքաղաքում ցերեկային ժամերին սպասվում է 33-35, գիշերը՝ 19-21 աստիճան տաքություն:
