ԵՐԵՎԱՆ, 12 հունիսի — Sputnik. Թբիլիսիում ավարտվեց ըմբշամարտի միջազգային մրցաշարը։ Հունահռոմեական ոճում 75 կգ քաշային կարգում մրցաշարի հաղթող դարձավ Կարապետ Չալյանը։
Եզրափակչում մեր ըմբիշը հաղթեց Ղազախստանի ներկայացուցչին, հայտնում է Հայաստանի ազգային օլիմպիական կոմիտեն։
Մինչ այդ 80 կգ քաշային կարգում հունահռոմեական ոճի ըմբիշ Մաքսիմ Մանուկյանը դարձել էր արծաթե մեդալակիր։ Մրցաշարի վերջին օրը ազատ և հունահռոմեական ոճերում մեր մյուս ըմբիշները մեդալ չնվաճեցին:
