ԵՐԵՎԱՆ, 8 հունիսի — Sputnik. ՀՀԿ գերագույն մարմնի այսօրվա նիստում Հանրապետական կուսակցությունը միջազգային կառույցներում խորհրդարանական պատվիրակությունների ղեկավարների նշանակումներ է կատարել: ՀՀԿ ԳՄ նիստի ավարտին լրագրողներին հայտնել է ՀՀԿ խոսնակ Էդուարդ Շարմազանովը:
Նրա խոսքով՝ ԱՊՀ խորհրդարանական վեհաժողովի պատվիրակությունը կղեկավարի ԱԺ նախագահ Արա Բաբլոյանը, ՀԱՊԿ վեհաժողովի պատվիրակությունը՝ ԱԺ փոխնախագահ Էդուարդ Շարմազանովը, ԵԽԽՎ պատվիրակությունը՝ ԱԺ փոխնախագահ Արփինե Հովհաննիսյանը, ԵԱՀԿ պատվիրակությունը՝ Հերմինե Նաղդալյանը, Եվրանեստի, Հայաստան-ԵՄ պատվիրակությունները՝ Արմեն Աշոտյանը, ՆԱՏՕ-ի պատվիրակությունը՝ Կորյուն Նահապետյանը, Ուղղափառության միջխորհրդարանական վեհաժողովում հայաստանյան պատվիրակությունը կղեկավարի Արտաշես Գեղամյանը, Սևծովյան խորհրդարանական վեհաժողովի պատվիրակությունը՝ Գագիկ Մինասյանը, Ֆրանկոֆոնիայի խորհրդարականական վեհաժողովինը՝ Մարգարիտ Եսայանը:
Քննարկվել է նաև միջխորհրդարանական հանձնաժողովներում ՀՀ պատվիրակության ղեկավարների հարցը: Որոշվել է Հայաստան-Ռուսաստան խորհրդարանական պատվիրակության ղեկավար նշանակել Արտաշես Գեղամյանին, Հայաստան-Վրաստան և Հայաստան-Բելառուս, Հայաստան-Կիպրոս պատվիրակություններինը՝ Էդուարդ Շարմազանովին, Հայաստան-ԼՂՀ՝ Արա Բաբլոյանին, Հայաստան-ԱՄՆ պատվիրակության ղեկավար՝ Արփինե Հովհաննիսյանին:
