ԵՐԵՎԱՆ, 7 հունիսի — Sputnik. Թեհրանում, իմամ Հոմեյնիի դամբարանում պայթուցիկ սարք է վնասազերծվել։ Այս մասին հայտնում է Mehr գործակալությունը։
Բացի այդ, Իրանի խորհրդարանում կրակ բացած անձանցից մեկը մահապարտ ահաբեկիչ է։ Ինչպես նշված է FarsNews-ի թվիթերյան էջում, նրան շրջապատել են անվտանգության ուժերը։
#BREAKING#Iran Shooting
— Mehr News Agency (@MehrnewsCom) 7 июня 2017 г.
Police shuts streets around Parliament as security forces still trying to arrest gunmen inside Parl. pic.twitter.com/ezT2ArUIaM
Նշենք, որ այսօր առավոտյան անհայտ անձինք կրակ են բացել Իրանի խորհրդարանում։ Վերջին տվյալով` կա մեկ զոհ, երեք տուժած։
Հայտնի է նաև, որ խորհրդարանում հարձակում գործած անձինք մի քանի հոգու պատանդ են վերցրել։
Ավելի ուշ տեղեկություն հրապարակվեց այն մասին, որ կրակոցներ են հնչել նաև իմամ Հոմեյնիի դամբարանում։ Նշվում է, որ զոհվել է մեկ մարդ, տուժել` հինգը։
