ԵՐԵՎԱՆ, 7 հունիսի — Sputnik. Հանրապետության տարածքում hունիսի 7-9-ի երեկոյան ժամերին հիմնականում հյուսիսային շրջաններում, 10-ի երեկոյան ժամերին, 11-ին շրջանների զգալի մասում սպասվում է անձրև և ամպրոպ, ամպրոպի ժամանակ սպասվում է քամու ուժգնացում` 20-25 մ/վ, առանձին վայրերում հնարավոր է կարկուտ:
Քամին կլինի հարավարևմտյան՝ 3-8 մ/վ արագության:
Օդի ջերմաստիճանը հունիսի 7-10-ն էապես չի փոխվի, 11-ին կնվազի 3-4 աստիճանով:
Երևան քաղաքում հունիսի 7-9-ի երեկոյան ժամերին սպասվում է ամպրոպ, առանձին հատվածներում հնարավոր է կարճատև անձրև, 10-ի երեկոյան ժամերին, 11-ին սպասվում է անձրև և ամպրոպ, ամպրոպի ժամանակ՝ քամու ուժգնացում` 19-24 մ/վ արագությամբ:
Այսօր՝ հունիսի 7-ին, մայրաքաղաքում ցերեկային ժամերին օդի ջերմատիճանը կկազմի 33-35, գիշերային ժամերին՝ 18-20 աստիճան տաքություն:
