ԵՐԵՎԱՆ, 4 հունիսի — Sputnik. Տվերի մարզում զանգվածային սպանություն է տեղի ունեցել: Մոսկվայի բնակիչն ամառանոցային կոոպերատիվի տարածքում ինը հոգու վրա է կրակել, հայտնում է ՌԻԱ Նովոստին։ Ի սկզբանե դեպքի վայրում հայտնաբերվել էին երկու կնոջ և վեց տղամարդու դիեր։ Ավելի ուշ իններորդ զոհի մարմինը հայտնաբերվել է տան մոտակայքում գտնվող մեքենաներից մեկի բեռնախցիկում։ Իրավապահները հայտնել են, որ զանգվածային սպանության պատճառը կենցաղային վեճն է եղել։
«Ռուսաստանի Տվերի մարզի Քննչական կոմիտեն քրեական գործ է հարուցել ութ մարդու՝ երկու կնոջ և վեց տղամադրու սպանության փաստով», — հայտնել է Ռուսասկատի Քննչական կոմիտեի պաշտոնական ներկայացուցիչ Սվետլանա Պետրենկոն։
Քննչական կոմիտեում պարզել են, որ «50 лет Октября» կոոպերատիվում ամառանոցային տարածքների սեփականատերեր միջև վեճ է ծագել։
«Խմջույքի ընթացքում հյուրերի միջև կենղցաղային վեճ է ծագել, որից հետո կասկածյալը հեռացել է՝ վերադանալով որսի հրացանը ձեռքին, մի քանի կրարոց է արձակել, որի հետևանքով, նախնական տնվյալների համաձայն, ինը մարդ է մահացել», — ասել է Պետրենկոն։
Ինչպես հայտնել է Ռուսաստանի ներքին գործերի նախարարության Տվերի մարզի վարչության ներկայացուցիչ Վադիմ Լևշինը, տղամարդը մարդկանց կրակել է 12 կալիբրանոց կարաբինից, մոտիկ տարածությունից, և նրանք ողջ մնալու հնարավորություն չեն ունեցել։
Սակայն խնջույքի որոշ մասնակիցների հաջողվել է ողջ նմալ, և նրանք ոստիկանություն են կանչել։ Կասկածյալին ձերբակալել են անմիջապես հանցագործությունից հետո, նա հարբած էր և չէր փորձում փախչել։ Քննիչնեը քրեական գործ են հարուցել երկու և ավել մարդու սպանության հոդվածով։
Գործի հետաքննությամբ կզբաղվի Ռուսաստանի Քննչական կոմիտեի գլխավոր քննչական վարչությունը։
