ԵՐԵՎԱՆ, 3 հունիսի — Sputnik. Հայտնի շանսոնյե Շառլ Ազնավուրն արդեն գիտի, թե ինչպես է հնչում հայերեն «ըմբշամարտ» բառը: Այդ մասին Facebook սոցցանցի իր էջում գրել է հունահռոմեական ոճի ըմբիշ Արսեն Ջուլֆալակյանը:
Մարզիկն իր էջում Ազնավուրի հետ, որին հանդիպել է Երևանում, լուսանկար է տեղադրել:
«Շառլ Ազնավուրը` մեծ մարդ է, հայ, մեծատառով դերասան, մաեստրո և լեգենդ: Տպավորված եմ մեր հանդիպմամբ: Ի դեպ, այժմ նա արդեն գիտի, թե ինչպես է հայերեն հնչում «ըմբշամարտ» բառը»,- գրել է Ջուլֆալակյանը:
Շառլ Ազնավուրը Հայաստան է ժամանել Aurora միջազգային մարդասիրական մրցանակի հանձնման արարողությանը մասնակցելու համար: Երևանում նրան հանձնեցին նաև Ազնավուրի անվան տուն-թանգարանի խորհրդանշական բանալին:
