ԵՐԵՎԱՆ, 31 մայիսի — Sputnik. Մինչև 20 մլն դրամ գործարքներից հայ արտահանողներին ԱԱՀ-ն կվերադարձվի ոչ թե 90 օրում, ինչպես նախկինում էր, այլ 4 աշխատանքային օրերի ընթացքում, չորեքշաբթի լրագրողների հետ զրույցում ասաց ՀՀ պետեկամուտների կոմիտեի ստուգումների կազմակերպման և դիտարկման վարչության պետ Տիգրան Կիրակոսյանը։
Պետեկամուտների կոմիտեն բիզնեսի պարզեցման համար նոր ծրագիր է նախաձեռնել, որը պետք է խթանի ֆինանսական միջոցների շրջանառությունը հայ արտահանողների շրջանում։ Կառավարության որոշման համաձայն` պարզեցված ընթացակարգեր են սահմանվել ԱԱՀ-ի հետ վերադարձման ժամկետները զրոյական տոկոսադրույքով գործարքների ժամանակ։ Այս որոշումն ուժի մեջ է մտել ապրիլի 13-ին։
«Մինչև 20 մլն գումարի գործարքի դիմումների հիման վրա ԱԱՀ-ն վերադարձվում է հաշված օրերի ընթացքում։ 2017 թվականի ապրիլի 13-ից մայիսի 30-ը 39 կազմակերպության արդեն, ընդհանուր առմամբ, 289 մլն դրամի ԱԱՀ վերադարձվել է», — ասաց Կիրակոսյանը։
Կոմիտեի տվյալներով`աճում է արտահանողների և նրանց հետ վերադարձրած գումարների ընդհանուր քանակը։ 2016 թվականի հունվարի 1-ից մայիսի 30-ը 48 արտահանող կազմակերպության վերադարձվել է ընդհանուր առմամբ շուրջ 17 մլրդ դրամ։ Իսկ ընթացիկ տարվա նույն ժամանակահատվածում այդ գումարը կազմել է շուրջ 20.4 մլրդ դրամ, իսկ արտահանողների թիվը, որոնց դրանք վերադարձվել են` 94։ Հայաստանն օգտագործում է մուտքային և ելքային ԱԱՀ մոդելը։
ԱԱՀ-ի վճարման պարտականություն կրող անձինք մուտքային ԱԱՀ-ն հանում են վաճառքի համար հաշվարկած ԱԱՀ-ի գումարից և ներկայացնում տարբերությունը հարկային մարմիններին հաշվառման համար։ ԱԱՀ-ի սահմանված տոկոսադրույքը ապրանքների և ծառայությունների տեղական սպառման և ապրանքների արտահանման համար 20% է կազմում։ Ապրանքների և համապատասխան ծառայությունների արտահանման համար զրոյական տոկոսադրույք է սահմանված։
