ԵՐԵՎԱՆ, 25 մայիսի-Sputnik. Հայաստանի ազգային օլիմպիական կոմիտեի հետ զրույցում Թինա Կարապետյանը նշել է, որ այդ փաստն իրենց չի չխանգարել լավ հանդես գալ հայ մրցավարների առջեւ.
«Սովորաբար Անաստասիան, Սլավիկը, ես եւ Սիմոնն ենք ելույթ ունեցել Հայաստանի դրոշի ներքո: Շատ ուրախալի է, որ հարյուրավոր երեխաներ ևս մասնակցեցին այդ առաջնությանը:
Երրորդ անգամ եմ Հայաստանում: Շատ հաճելի է տեսնել իմ հայրենակիցներին, թե ինչպես են մարդիկ խոսում եւ գրում հայերեն: Այս ամենն ինձ թույլ է տալիս զգալ ինչպես տանը»,- ասել է Թինա Կարապետյանը:
Խոսելով ձմեռային օլիմպիական խաղերին մասնակցելու հնարավորության մասին, Թինան ասել է, որ ուղեգիր նվաճելու դեռ մեկ շանս ունեն.
«Սեպտեմբերին Գերմանիայում կայանալիք վարկանիշային մրցաշարում մենք կարող ենք օլիմպիական խաղերի ուղեգիր ձեռք բերել: Դրա համար պետք է քրտնաջան աշխատենք»:
Կարապետյանի պարային զույգը` Սիմոն Պրու Սենեկալն էլ նշել է, որ իր համար հաճելի է ելույթ ունենալ հայ հանդիսատեսի առջեւ: Սենեկալին հիացրել է հայկական մշակույթը:
