Մայիսի 16-ի լույս 17-ի գիշերն ադրբեջանական կողմն արցախյան դիրքերի ուղղությամբ ընդհանուր առմամբ 9000 կրակոց է արձակել, կիրառել է ականանետներ և նռնականետներ։
«Բնականաբար հայկական կողմը պատասխանել է կրակոցներին»,- ասաց Արծրուն Հովհաննիսյանը։
Նա անդրադարձավ Ադրբեջանի այն հայտարարությունը, թե հայկական կողմն իբր փորձել է խոցել իրենց պաշտպանության նախարարին տեղափոխող ուղղաթիռը։
«Անտրամաբանական և ծիծաղելի հայտարարություն է։ Մենք երբեք նման խնդիր չենք դրել մեր առաջ»,- ասաց Հովհաննիսյանը։
Համացանցի որոշ օգտատերեր գրել են, թե գիշերվա կրակոցներից հետո տներ են ավերվել։ Արծրուն Հովհաննիսյանը մեկնաբանեց նաև տարաբնույթ տեղեկություններ հրապարակելու երևույթը` նշելով, որ համացանցի հայկական տիրույթում կան նաև «մատից հոտ քաշողներ»։
«Ըստ էության ցանկալի չէ, որ ապատեղեկատվություն տարածեն, բայց շատ դեպքերում մենք չենք կարող վերահսկել բոլորին»,- ասաց նա
Հովհաննիսյանն այս առումով դրական գնահատեց ԶԼՄ-ների աշխատանքը։
