ԵՐԵՎԱՆ, 17 մայիսի — Sputnik. «ՄԻՍՍ ԱՊՀ» միջազգային գեղեցկության մրցույթին Հայաստանը ներկայացնող Արփինե Բալյանը, Մարինե Մարգարյանը և Զառա Մինասյանն արդեն իսկ մեծ փորձ ունեն։ Նրանք հասցրել են մասնակցել գեղեցկության մրցույթների ու ամենատարբեր ցուցադրությունների: Գեղեցկուհիները պատրաստվում են հավուր պատշաճի ներկայացնել սեփական երկիրը, որպեսզի հաղթական դափնին բաժին հասնի հենց Հայաստանին:
«Միսս ԱՊՀ» միջազգային գեղեցկության մրցույթի եզրափակիչը կանցկացվի Հայաստանում: «Միսս ԱՊՀ 2017» մրցույթի եզրափակչին մասնակցելու համար Հայաստան կժամանեն ԱՊՀ անդամ երկրների 18-25 տարեկան 20-25 գեղեցկուհիներ, ովքեր հաղթել են իրենց երկրներում կայացած ընտրական մրցույթներում։
«Միսս ԱՊՀ 2017»-ի եզրափակչի ժյուրիի կազմում ընդգրկված են ոլորտի 11 փորձառու մասնագետներ` 3-ը` Հայաստանից, 4-ը՝ Ռուսաստանից և 4-ը՝ ԱՊՀ անդամ այլ երկրներից։ «ՄԻՍՍ ԱՊՀ 2017» գեղեցկության մրցույթին մասնակցում է 13 երկիր:
Այն ընդգրկում է 25 միլիոնանոց լսարան: Մրցանակային ֆոնդը կազմում է 16,2 մլն ՀՀ դրամ: Տեղեկացնենք, որ միջոցառման աջակիցների թվում են ԱՊՀ Միջպետական կոմիտեն, ՀՀ տնտեսական զարգացման և ներդրումների նախարարությունը, Երևանի քաղաքապետարանը:
![Марине Маргарян Марине Маргарян - Sputnik Արմենիա](https://cdn.am.sputniknews.ru/img/734/49/7344953_0:0:959:957_600x0_80_0_0_318449318e8fbd147918962b3ba1c2b7.jpg)
«Միսս ԱՊՀ» միջազգային գեղեցկության մրցույթին Հայաստանը ներկայացնող Արփինե Բալյանը ծնվել է 1992 թ.Երևանում: 13 տարեկանից զբաղվում է պարով: 2010 թ.մասնակցել է SuperModel (3-րդ տեղ) և Միսս Ուսսուրիյսկ մրցույթներին (2-րդ տեղ): 2013 թվականից սովորում է Խ. Աբովյանի անվան Հայկական պետական մանկավարժական համալսարանի Կուլտուրայի ֆակուլտետում: Մյուս գեղեցկուհին` Մարինե Մարգարյանը ծնվել է 1995թ. Երևանում: Մանուկ հասակից հաճախել է պարի, սովորել է «Դո-Ռե-Մի» վոկալ ստւդիայում:
![Арпине Балян Арпине Балян - Sputnik Արմենիա](https://cdn.am.sputniknews.ru/img/734/48/7344895_0:0:640:638_600x0_80_0_0_20da265f79a0d3096542b89e547596eb.jpg)
10 տարեկանում արժանացել է «Միսս հմայք» մրցանակին, մասնակցել տարբեր միջազգային մրցույթների և գրավել մրցանակային հորիզոնականներ, ինչպես նաև հանդես եկել նորաձևության ցուցադրությունների ժամանակ: Ավարտել է «ATEX» նորաձևության կենտրոնը: Այժմ սովորում է Հայ-ռուսական համալսարանի Կառավարման ֆակուլտետում:
Երրորդ մասնակցի անունը դեռ հայտնի չէ։