ԵՐԵՎԱՆ, 10 մայիսի — Sputnik. Հայտնի ռեփեր Քանյե Ուեսթն ու ամերիկացի հեռուստաաստղ Քիմ Քարդաշյանը The Kids Supply անվանմամբ մանկական հագուստի համատեղ շարք են ստեղծել, հայտնում է The Manrepeller-ը։
«Մենք կնոջս հետ տարբեր հայացքներ ունենք մանկական հանդերձանքի և ոճի վերաբերյալ։ Դժվար էր փոխհամաձայնության գալը»,- նշեց Ուեսթը։
Հավաքածուն ներառում է սպորտային հագուստ, բաճկոններ, անդրավարտիք, զգեստներ և գլխարկներ։
Առաջին հավաքածուն նվիրված է Կալիֆորնիայի Կալաբասաս քաղաքին, որտեղ ռեալիթի շոուի աստղ Քիմ Քարդաշյանն անցկացրել է իր մանկությունը և 2006 թվականին քույրեր Քորթնիի և Քլոեի հետ համատեղ բացել է առաջին D-A-S-H բուտիկը։
2015 թվականից Ուեսթը նաև զբաղվում է սահմանափակ քանակի
հագուստի և կոշիկների հավաքածուի արտադրությամբ։ Վերջին հավաքածուն ներկայացվել է փետրվարի կեսերին՝ Նյու Յորքի նորաձևության շաբաթվա շրջանակներում։
