ԵՐԵՎԱՆ, 13 մարտի — Sputnik. Ոճի արմատական փոփոխություն, դեպրեսիա և շուրջ կես տարվա մեկուսի կյանք` փարիզյան կողոպուտից հետո, Քիմ Քարդաշյանի մասին գրում է Elle-ը ` հիշեցնելով 2016թ-ի հոկտեմբերին տեղի ունեցած դեպքը, երբ հեռուստաաստղին կողոպտել էին Փարիզում։
«Երևում է` աստղը վերջապես հաղթահարել է սթրեսը և պատրաստ է վերադառնալ նորմալ կենսակերպին», — գրում է հրատարակությունը։
Քանյե Ուեսթի կինը կես տարվա մեջ առաջին անգամ աշխարհիկ միջոցառման է մասնակցել` Beverly Wilshire հյուրանոցում ներկա լինելով Family Equality Council's արարողությանը։
Քիմը նույնիսկ բեմ է բարձրացել, բոցավառ ելույթ է ունեցել ԼԳՏԲ հանրության օգտին և բյուրեղապակե արձանիկ հանձնել Ջոնաթան Մյուրեյին և Հարվի Ռիզին։
Միջոցառման համար Քարդաշյանն ընտրել է սպիտակ զգեստ Rick Owens-ից` կերպարը լրացնելով խոշոր ականջօղերով և շրթունքին ամրացված մետաղական օղակով։
So honored to give the family impact award tonight to the man who believed in me from day 1, Jon Murray of Bunim Murray prods #ImpactAwards pic.twitter.com/35Hw3ohrJm
— Kim Kardashian West (@KimKardashian) 12 марта 2017 г.
