ԵՐԵՎԱՆ, 7 մայիսի — Sputnik. «Մուրացան» հիվանդանոցում մահացել է մայիսի 3-ին «Էրեբունի» բժշկական կենտրոնում ծնված հնգյակ երեխաներից մեկը: Այս լուրը Sputnik Արմենիայի հետ զրույցում հաստատեցին «Մուրացան» բ/կ-ից:
Մահացածը հնգյակի ամենափոքր քաշովն էր, աղջիկ: Նա ծնվել էր 600 գրամ կշռով:
Հիշեցնենք, որ երեկ հնգյակից «Էրեբունի» ԲԿ-ում մահացել էր ևս մեկ աղջիկ:
Այս պահին երեք երեխաներից մեկը՝ տղան, գտնվում է «Մուրացան» հիվանդանոցային համալիրում: Նրա վիճակը շարունակում է ծանր մնալ:
Մյուս երկու աղջիկները գտնվում են «Սուրբ Աստվածամայր» ԲԿ-ում, մյուսը՝ Մոր և մանկան առողջության պահպանման գիտահետազոտական կենտրոնում: Նրանց վիճակն անփոփոխ է:
