ԵՐԵՎԱՆ, 6 մայիսի — Sputnik. Ռիո-2016-ի օլիմպիական չեմպիոն, մինչև 98 կգ քաշային Արթուր Ալեքսանյանը 1/8 եզրափակչում հանդիպեց Սերբիան ներկայացնող Միխայիլ Կաջալային և 5:1 հաշվով հաղթանակ տարավ: Այս մասին հայտնում է armsport.am-ը:
1/4 եզրափակչում Արթուր Ալեքսանյանը կմրցի նորվեգացի Ֆելիքս Բալդաուֆի հետ:
Ավելի վաղ Գևորգ Ղարիբյանը (59 կգ) 1/8 եզրափակչում 3:2 հաշվով զիջել է Ադրբեջանը ներկայացնող Թալեհ Մամադովին, իսկ Կարեն Ասլանյանը (66 կգ) 3:1 հաշվով պարտվել է Թուրքիայի ներկայացուցիչ Աթական Յուկսելին:
Իսկ 130 կգ քաշային կարգում մեր ներկայացուցիչ Վաչիկ Եղիազարյանը 1/8 եզրափակչում հանդիպել է Հունաստանի ներկայացուցիչ Նիկոլայոս Լեոնի հետ և 10:2 հաշվով հաղթանակ է տարել: Եղիազարյանը քառորդ եզրափակչում կմրցի Հունգարիայի ներկայացուցիչ Բալինտ Լամի հետ:
