ԵՐԵՎԱՆ, 28 ապրիլի — Sputnik. Բաքվի դատարանը թմրանյութերի տարածման մեջ մեղադրվող ՌԴ քաղաքացի Մարատ Ուելդանով-Գալուստյանին 8 տարվա ազատազրկման է դատապարտել, հայտնում է ՌԻԱ Նովոստին։
Դատավոր Սամիրա Ալիևայի գլխավորությամբ փակ դատավարության ընթացքում նրա նկատմամբ մեղադրական դատավճիռ է կարդացվել, որի համաձայն Ուելդանովին դատապարտել են ազատազրկման` 8 տարի ժամկետով։
Սակայն Ուելդանովը թմրանյութերի իրացման մեջ իրեն մեղավոր չի ճանաչում։ Նրան ձերբակալել էին 2016 թվականի հուլիսի 28-ին Ադրբեջանում։
Մարատը երկար ժամանակ աշխատել է Բաքվում՝ պարբերաբար Մոսկվա գնալով։ Նա վերցրել է կնոջ ազգանունը և ժամանակ առ ժամանակ մեկնել Ադրբեջան։ Մարատի կալանավորման մասին քույրն իմացել է նրա գործընկեր Ելենա Մակարենկոյից, որին նույնպես կալանավորել էին 15 օրով, միայն այն պատճառով, որ գործնական հարաբերությունների մեջ է եղել նրա հետ։
2016 թվականի օգոստոսի 17-ին Ռուսաստանի ՆԳՆ պաշտոնական ներկայացուցիչ Մարիա Զախարովան մեկնաբանել է իրավիճակը` հայտարարելով, որ Ռուսաստանի արտգործնախարարությունը ազգային ենթատեքստ չի տեսնում Բաքվում Ռուսաստանի քաղաքացի Մարատ Ուելդանով-Գալստյանի կալանավորման մեջ։
