ԵՐԵՎԱՆ, 28 ապրիլի — Sputnik. Ամերիկահայ գործարար Ալեքսիս Օհանյանը խոստովանեց, որ ատում է այն մարզաձևը, որում հաջողության է հասել նրա հարսնացուն՝ աշխարհի առաջին ռակետ Սերենա Ուիլյամսը։
Օհանյանը Instagram-ում տեղադրել է 9 տարեկանում գրված իր նամակի լուսանկարը։
9-ամյա Ալեքսիսն այդ նամակում պատմում է իր նախասիրությունների մասին։ Այն մասին, որ ամենից շատ սիրում է ֆուտբոլ և համակարգչային խաղեր ու տանել չի կարողանում թենիսը։
Ալեքսիսը Քրիսի և Անկեի միակ երեխան է, որը ԱՄՆ է տեղափոխվել Գերմանիայից, ծնվել է ապրիլի 24-ին` Հայոց ցեղասպանության զոհերի հիշատակի օրը։ Forbes Ամսագիրը Ալեքսիս Օհանյանին անվանել է «համացանցի քաղաքապետ» և երկու տարի շարունակ նրա անունը ներառել է «30-ը փոքր է 30-ից» ցուցակում որպես բարձր տեխնոլոգիաների ինդուստրիայի ականավոր ներկայացուցիչ։
2013 թվականին Wired ամսագիրը նրա մասին մեծ հոդված է գրել՝ նրան կոչելով «նորարարության առաջնորդ»։
